Hëna e re te Peshqit paralajmëron sakrifica të mëdha. Chrysanthi Kalogeri, në parashikimin e javës për “Shije Shtëpie” në Tv Klan lajmëron shenjat se nuk do të jetë e lehtë për të bërë ndryshime. Ditët më të favorizuara janë pas datës 21 kur dielli kalon në shenjën e Dashit që është edhe iniciatori i zodiakut. Afërdita në Peshk do të na bëjë më të ndjeshëm dhe romantikë, ndërsa edhe të ardhurat financiare janë të qëndrueshme.

Chrysanthi Kalogeri: Siç ju premtuam edhe javën e kaluar, do flasim sot për hënën e re te Peshqit që u zhvillua dje por ndikimi i saj është nga 10 marsi deri në 10 prill. Disa nga ngjarjet do i përjetoni me hënën e plotë ose më parë në datën 25 mars. Është një eklips i hënës në shenjën e Peshores. Kemi një hënë të re e cila kërkon sakrifica. Fillimet e reja ose ndryshimet që doni të bëni në projektet tuaja kërkojnë punë,  disiplinë më tepër, kanë disa pengesa dhe nëse doni të ndërmerrni një iniciativë më të madhe, kërkon sakrifica. Realizimi i ëndrrës nuk vjen kaq lehtë, vjen përmes sakrificave të mëdha. Kujdesuni për shëndetin dhe përpiquni të forconi imunitetin sepse ka tendenca për viruse e gripe dhe pranvera është e ngarkuar.

Nga ana tjetër, për ata që do bëjnë fillime të reja duhet t’i bëjnë nga java tjetër, pas datës 27 dhe veçanërisht pas datës 20-21 ku dielli do kalojë në shenjën e Dashit dhe do bëjë një lidhje harmonike me Plutonin, kështu që favorizohen fillimet e reja. Deri në fund të muajit, nëse organizoni punë apo letra, kontakte, bashkëpunime, biseda, çështje burokracie, me pajisje elektronike mund t’i vendosni përpara dhe t’i realizoni deri në fund të muajit sepse në fillimin e muajit të ardhshëm Mërkuri kthehet në prapavijë.

Afërdita sot kalon në shenjën e Peshqve, do jemi më të ndjeshëm, do duam të shprehim ndjenjat e dashurinë, por edhe të marrim nga të tjerët. Ndihmoni njerëzit dhe mund të kemi mundësinë të dashurojmë dhe dashurohemi pa kushte. Është një periudhë shumë e mirë që favorizon financat deri në fund të prillit, pavarësisht pengesave e bllokimeve që i detyrohen klimës në përgjithësi./tvklan.al