Lajme, #edicioniinformativ ora 23:00 data 13 Tetor 2024 #TvKlan #klanlajme

Spiker: Reis Çiço

Headlines 13 Tetor 2024

Rama në “La repubblica”: Asnjë emigrant s’mund të dalë nga Gjadri. Ç’ndodh brenda nuk na shqetëson

Kur pritet të mbërrijnë emigrantët e parë në Gjadër, kryeministri Rama deklaron se asnjë prej tyre nuk mund të dalë nga kampi. Në një intervistë për “La Republika” ai thotë ajo që ndodh brenda kampit është përgjegjësi e autoriteteve italiane.

Vetingu drejt fundit, mbeten edhe 6 magjistrate. 273 gjyqtare e prokurore, të shkarkuar në 7 vite

Po shkon drejt fundit procesi i vetingut pasi kanë mbetur për t’u vlerësuar vetëm 6 magjistratë nga 805 që kishte i gjithë sistemi.

Në 7 vite u shkarkuan apo dhanë dorëheqjen 273 gjyqtarë dhe prokurorë. Për një pjesë prej tyre pati edhe pasoja penale. 

Për herë të parë, regjister për objektet në bashkepronesi. Mazniku: Forcohen administratorët

Pas 20 vitesh, qeveria do të ndërhyjë në ligjin për bashkëpronësinë duke krijuar për herë të parë një regjistër kombëtar. Ministri i Pushtetit Vendor, Arbjan Mazniku thotë për Tv Klan se administratorët do kenë më shumë kompetenca.

Kurti: Ushtria serbe hyri brenda kufirit të Kosovës. Provokim për të nxitur tensione

Albin Kurti thotë se ushtria serbe ka hyrë një ditë më parë, 50 metra brenda kufirit të Kosovës me qëllim provokimin dhe nxitjen e tensioneve. Sipas Kurtit, Beogradi vijon të punojë për destabilizimin e rajonit.

67 të plagosur nga një sulm me dronë në Izrael

Të paktën 67 persona raportohet të kenë mbetur të plagosur nga një sulm me dronë ndaj një baze izraelite në jug të Haifës.

Kombëtarja zhvillon stervitjen e fundit para Gjeorgjisë. Sylvinho: Na duhet vetem fitore

Kuqezinjte zhvilluan sot në Tblisi stërvitjen e fundit para sfidës së nesërme kundër Gjeorgjisë që do të transmetohet në Tv Klan. Trajneri Silvinjo thotë se kundërshtar është një ekip i fortë, por Shqiperise i duhet fitore që të synojë kreun e grupit.

/tvklan.al