#Lajme, #edicioniinformativ ora 23:25 data 15 Gusht 2023 #TvKlan #KlanLajme

Spiker: Redi Prifti

Headlines 15 Gusht 2023

Pamjet ekskluzive/ Pushimet e Melonit në Vlorë, me skaf drejt Dhërmiut

Kryeministrja e Italisë, Xhorxhia Meloni po pushon së bashku me familjen e saj, prej pasdites së djeshme në plazhet e Vlorës.Tv Klan ka arritur ta fiksojë atë pranë vilës qeveritare dhe lëvizjet me skaf drejt Dhërmiut nën masa të rrepta sigurie.

Revista franceze: Shqipëria, xhevahir i panjohur i Mesdheut

Edhe mediat franceze i bëjnë jehonë turizmit shqiptar të këtij viti. Në një reportazh të revistës “VSD”, Shqipëria etiketohet si një xhevahir i panjohur i Mesdheut që duhet zbuluar. Përveç natyrës vlerësohet edhe tradita dhe kulinaria e pasur.

Guidat shqiptare: Nuk përballojmë dot fluksin e turistëve të huaj këtë verë

Rreth 250 guida turistike janë licencuar në vendin tonë për të shoqëruar turistët në destinacione të ndryshme. Ata thonë se ky numër tashmë është i pamjaftueshëm për të përballuar fluksin e turistëve të huaj këtë verë.

Protestë për Belerin, Rama: Jam pa fjalë. Çështje e drejtësisë dhe jo e minoritetit

Kryeministri Rama reagon për protestën e Himarës ku u kërkua lirimi i Fredi Belerit. Rama thotë se kjo është një çështje e drejtësisë dhe jo e politikës dhe se është e habitshme se si përfaqësues të lartë të Athinës e kanë çuar deri në Bruksel.

5 në pranga me mbi 11 mijë doza ekstazi. Droga vinte me linjat e autobusëve nga Kosova

5 persona ranë në prangat e policisë së Tiranës një operacion ku u sekuestruan mbi 11 mijë kokrra droge ekstazi që trafikohej nga Kosova. Dy nga të arrestuarit janë banues në Prishtinë, madje njëri është anëtar i strukturave të Lëvizjes Vetëvendosje.

13 akuza të reja për Donald Trump. U përpoq të përmbyste rezultatin e zgjedhjeve

Gjykata e Xhorxhias hap zyrtarisht procesin e katërt penal ndaj ish-presidentit Donald Tramp. Ndaj tij rëndojnë edhe 13 akuza të tjera penale për përpjekje për të përmbysur në mënyrë të jashtëligjshme humbjen në zgjedhjet presidenciale të 2020-ës.