#Lajme, #edicioniinformativ ora 19:30 data 15 Korrik 2023 #TvKlan #KlanLajme

Spiker: Redi Prifti

Headlines 15 Korrik 2023

Termometri shënon mbi 40 gradë në Kuçovë, sinoptikanët: Vala vijon. Alarm i kuq në Europë

I gjithë vendi përfshihet nga i nxehti përvëlues. Piku u arrit në Kuçovë me 41.4 gradë celsius e ndjekur nga Berati dhe Elbasani. Sinoptikanët thonë se vala vijon edhe javën e ardhshme. E gjithë Europa aktivizon alarmin e kuq për shkak të vapës.

Temperaturat e larta mbushin plazhet e jugut. Mediat e huaja: Shqipëria, perla e fshehtë e Mesdheut

Temperaturat e larta mbushin plazhet e jugut. Mijëra pushues vendas e të huaj i drejtohen bregdetit. Mediat skoceze dhe agjencitë amerikane rendisin Shqipërinë mes 10 destinacioneve më të mira duke e konsideruar si “perla e fshehtë e Mesdheut”.  

Rama: Vendimi për studentët e mjekesisë u bë për garantimin e shëndetit të popullatës

Kryeministri Edi Rama shprehet se vendimi që ndalon mjekët e rinj të largohen nga Shqipëria për 5 vite u mor me qëllim garantimin e shëndetit të popullatës, por dhe si kundërpërgjigje ndaj luftës me Europën që kërkon të plotësojë boshllëqet e saj.

Ulen kreditë me probleme në euro. Shqetësim, rritja e mospagesave në lekë

Banka e Shqipërisë raporton një ulje të portofolit të kredive me probleme në valutë të huaj. Në raportin e saj të fundit vihet re një tjetër dukuri negative që lidhet me rritjen e kredive të papaguara në lekë nga konsumatorët shqiptarë.

Henrik Hoxhaj dhe Klevis Alla rrezikojnë statusin e të penduarit. shkak, kontradiktat

Henrik Hoxhaj dhe Klevis Alla rrezikojnë të humbasin statusin e “të penduarit” për shkak të dëshmive kontradiktore për disa ngjarje kriminale të ndodhura në vend. Hoxha dhe Dumani u arrestuan si pjesë e operacionit “Plumbi i Artë”.