#Lajme, #edicioniinformativ ora 19:30 data 17 Gusht 2023 #TvKlan #KlanLajme

Spiker: Redi Prifti

Headline 17 Gusht 2023

“Sterilizimi”, SPAK arreston ish-zëvendës ministrin e shëndetësisë dhe biznesmenin Ilir Rrapaj. SPAK: Në hetim Beqaj dhe Cani

SPAK arreston ish-zëvendësministrin e Shëndetësisë, Klodjan Rrjepaj dhe biznesmenin Ilir Rrapaj ne lidhje me koncesionin e sterilizimit. Prokuroria thotë se për të njëjtën dosje ka nën hetim edhe ish-ministrat Ilir Beqaj dhe Shkëlqim Canin

“The Times” sugjeron Shqipërinë për pushime: Mes 20 destinacioneve më të favorshme në botë

Prestigjiozja britanike “The Tajms” rendit Shqipërinë mes 20 destinacioneve më të mira në botë për pushimet e këtij viti. Ajo veçon çmimet e lira, por edhe natyrën e mrekullueshme, traditën dhe kulinarinë e veçantë.

Rai e Mediaset, emisione për Shqipërinë turistike: Po na konkurron me plazhet dhe çmimet

Mediat më të mëdha italiane, RAI e Mediaset vijojnë t’i kushtojnë vëmendje tepër të lartë dyndjes së turistëve italiane drejt Shqipërisë. Braktisja e plazheve të Italisë dhe vërshimi drejt Shqipërisë ka ngjallur debate në studiot televizive.

“Festa e Birres”, 5 net të magjishme në Korçë Filo: Impakt të rëndësishëm në ekonominë lokale

Nisi në Korçë, edicioni i 17-të i “Festës së Birrës” ku për 5 net vizitorët do të kenë mundësinë të shijojnë edhe produktet tradicionale si dhe muzikën e bukur. Kryebashkiaku Filo thotë se kjo festë ka një rëndësi të veçantë në ekonominë e zonës.

Valë përmbytjesh në Gjermani. Kaos në aeroportin e Frankfurtit

Gjermania qendrore dhe jugore u përfshinë orët e fundit nga një valë e motit të keq me reshje të dendura që përmbytën disa qytete. Përmbytjet në pistë shkaktuan kaos dhe vonesa edhe në aeroportin e Frankfurtit.

Broja mbetet në listën e merkatos së Milan. Pengesë, Lukaku e Vlahovic.

Armando Broja vijon të mbetet në listën e merkatos së Milan. Sulmuesi shqiptar do të ketë mundësi të shkojë në Serie A, nëse nga Çelsi largohet Lukaku dhe në vend të tij klubi londinez merr serbin Vlahoviç nga Juventus.

/tvklan.al