#lajme, #edicioniinformativ ora 19:30 data 21 Mars 2023 #TvKlan #KlanLajme

Spiker: Reis Çiço

Headlines 21 Mars 2024

Debate në parlament për Reformën Zgjedhore. PS-PD: Komisioni nuk arriti asnjë produkt

Pas gati 6 muajsh tensioni dhe përplasjesh, Kuvendi zhvilloi sot seancën e parë pa bilbila e tymuese. Megjithatë në seancë nuk munguan debatet pasi PS dhe PD bënë përgjegjëse njëra – tjetrën për dështimin e komisionit të reformës zgjedhore.

Gjykata Kushtetuese rrëzon Fredi Belerin: Nuk ka cënim të të drejtave nga arrestimi

Gjykata Kushtetuese rrezon kërkesën e Fredi Belerit për të shpallur antikushtetues arrestimin e tij dhe pengimin për t’u betuar si kryetar i zgjedhur i bashkisë së Himarës. Gjykata çmon se nuk ka pasur cenim të të drejtave të tij.

“Korrupsion, pastrim parash dhe fshehje të pasurisë”, SPAK komunikon akuzat për Arben Ahmetajn

Korrupsion, pastrim parash dhe fshehje pasurie. Janë këto akuzat që SPAK ka ngritur zyrtarisht në gjykatë ndaj ish-ministrit Arben Ahmetaj dhe dy biznesmenëve Mirel Mërtiri dhe Klodian Zoto për çështjen e inceneratorit të Elbasanit.

Lehtësi për pasaportën shqiptare nga të huajt. E përfitojnë ata për të cilët shteti ka interes

Jo vetëm artistët, sportistët dhe shkencëtarët, por pasaportën shqiptare do të mund ta marrin në mënyrë të lehtësuar edhe shtetas të tjerë të huaj, për të cilët shteti shqiptar vlerëson se përbëjnë interes kombëtar.

Euro sërish në pikiatë, arrin në 102 Lekë. Ekspertët: Ndikojnë vizitorët e huaj dhe porositë në ndërtim

Monedha europiane, Euro ka nisur një tjetër pikiatë në tregun e këmbimit valutor pasi këtë të enjte ka zbritur në nivelin e 102 lekëve. Ekspertët thonë se për këtë po ndikon fluksi i lartë i valutës nga turistët dhe investimet në ndërtim.

Nesër miqësorja e Shqipërisë me Kilin në Itali. Sylvinho: Kundërshtar i fortë

Kombëtarja mbërriti në Parma ku nesër do të luajë miqësoren me Kilin. Trajneri Silvinjo thotë se kundërshtari është mjaft i fortë, por përballje të tilla kanë rëndësi për Europianin. Sfida do të transmetohet pa pagesë në ekranin e Tv Klan.

/tvklan.al