#lajme, #edicioniinformativ ora 23:10 data 21 Prill 2024 #TvKlan #KlanLajme

Spiker: Reis Çiço

Headlines 21 Prill 2024
Serbët në Kosovë bojkotojnë procesin. Dështon votimi për shkarkimin e krerëve shqiptar të 4 komunave
Serbët iu bindën thirrjes së Listës dhe bojkotuan në masë zgjedhjet  për shkarkimin e kryetarëve shqiptarë të komunave të veriut të Kosovës. Nga rreth 47 mijë zgjedhës ne total morën pjesë mbi 200 votues, ndërsa ne Komunën e Zveçanit nuk u hodh asnjë vote.

Reforma zgjedhore/Aleatët e PD, të ndarë për sistemin, listat dhe koalicionet
Aleatët e PD-së mbajnë qëndrime të ndryshme sa i përket reformës zgjedhore. Agron Duka thotë se listat e hapura dhe krijimi 3 deri në 4 zonave zgjedhore janë të panegociueshme, ndërsa Nard Ndoka kërkon kthimin e koalicioneve klasike.

ILD përfundon kontrollin e lirimeve me kusht. Metani: Gjetëm shkelje të rënda
Inspektorati i Lartë i Drejtësisë përfundon procesin e kontrollit të procedurave të lirimeve të të burgosurve me kusht. Kreu i këtij institucioni, Artur Metani thotë për TV Klan se gjatë inspektimeve u konstatuan raste të shkeljeve të rënda.

Raporti i ERRE: Fotovoltaikët ulën konsumin e energjisë nga biznset

Bizneset në vend gjatë vitit 2023 konsumuan më pak energji elektrike të ofruar nga KESH. Sipas raportit të ERRE-s për këtë ka ndikuar vetëprodhimi i energjisë nga impiantet fotovoltaike.

SHBA miraton ligjin për ndalimin e TIK-TOK. Dhoma: Rrezik për sigurinë kombëtare

Dhoma e Përfaqësuesve në Kongresin Amerikan votoi me shumicë dërmuese votash ligjin për te ndaluar përdorimin e TikTok-ut në Shtetet e Bashkuara. Autoritetet tone se aplikacioni paraqitet rrezik për sigurinë kombëtare. Vendimi final i takon Senatit.

Gjetja e të zhdukurve të komunizmit, në vendnumëro. Kërkimet, peng e një VKM-je
Kur kanë kaluar më shumë se 33 vite nga rënia e komunizmit, 6 mijë persona të zhdukur nga regjimi nuk kanë ende një varr. Pavarësisht premtimeve, kërkimet për gjetjen e tyre vijojnë të mbeten në vend-numëro.

Euro2024/ Deschamps, për të bërë histori. Kërkon trofeun e vetëm që i mungon
Franca është një prej pretendentëve kryesore për fitimin e kampionatit europian të futbollit qe mbahet ne Gjermani. Për trajnerin Deshamp ky konsiderohet shansi i fundit për të fituar trofeun e vetëm që i mungon si trajner i gjelave.