Lajme, #edicioniinformativ ora 23:00 data 22 Dhjetor 2024 #TvKlan #klanlajme

Spiker: Reis Çiço

Headlines 22 Dhjetor 2024

Rama: Mbyllja e TikTok, vendosin shqiptarët, jo kompania. Berisha: Bëhet për qëllime politike, akt i rëndë censure

Kryeministri Edi Rama replikon me kompaninë kineze për mbylljen e Tiktok, duke deklaruar se nuk ka pse jep sqarime atyre, pasi atë e kanë vendosur shqiptarët për t’i mbrojtur fëmijët nga humnera e kërcënimeve të algoritmeve. Ndërsa lideri i PD, Berisha e cilëson si akt me prapavijë politike.

Vendimi i Shqipërisë për TikTok, jehonë në mediat e huaja: Synon të ndalë ndikimin begativ tek fëmijët

Vendimi i qeverisë shqiptare për mbylljen e Tiktokut tërhoqi vëmendjen e mediave ndërkombëtare. Ato theksojnë faktin se rrjeti kinez po mbyllet për të ndalur ndikimin negativ që rrjetet sociale kanë tek nxënësit e shkollave.

Mbyllet procesi i hipotekimit të shtëpive në Himarë. Rama: Do të vazhdojmë me tokën
Mbyllet procesi i shpërndarjes së titujve të pronësisë për shtëpitë e trashëguara në Himarë. Kryeministri Edi Rama thotë se tani puna do të vazhdojë me dhënien e aktit të pronësisë edhe për tokat.

Tritol me drone banesës në katin e 9-të në Tiranë. Ishte marrë me qira nga e afërmja e të “fortit” të Vlorës
Një sasi tritoli shpërtheu mbrëmjen e djeshme në ballkonin e një banese në katin e 9-të të një pallati në Tiranë, e marrë me qira nga e afërmja e një personazhi të njohur të botës së krimit në Vlorë. Lënda plasëse dyshohet se u hodh me dron.

Rriten kirurgjitë për sëmundjet malinje. Gjata: Rastet po shkojnë drejt trefishimit
Ndërhyrjeve kirurgjikale për sëmundjet malinje në vendin tonë thuajse janë trefishuar. Kreu i Shërbimit të Kirurgjisë në QSUT thotë se pacientët paraqiten vonë në spital dhe se për shtimin e rasteve po ndikon mënyra e të ushqyerit dhe stili i jetesës.

Tragjedia në Gjermani, autori e kishte paralajmëruar 1 vit më parë. Arrestohen edhe 3 persona të tjerët
Autori i tragjedisë në Magdeburg kishte paralajmëruar ngjarjen një vit më parë, teksa ne nje mesazh ne rrjetet sociale akuzonte qeverinë gjermane se përndiqte gratë saudite që kërkonin azil. Arrestohet 3 persona të cilët dyshohen si bashkëputorë të tij

Oleksandr Usyk, mbret i boksit botëror. Fiton me pikë ndaj Fury, siguron mbi 108 milionë euro fitime
Oleksandër Usek mbron titullin në peshat e rënda në boks, duke fituar me pikë përballë Tajson Fjurit. Të dy boksierët ndanë 180 milionë euro fitime, nga të cilat 108 milionë shkuan për boksierin ukrainas dhe 72 për atë britanik.

/tvklan.al