Lajme, #edicioniinformativ ora 23:50 data 30 Tetor 2024 #TvKlan #klanlajme

Spiker: Reis Çiço

Headlines 30 Tetor 2024

Atentat në Shkodër, 3 të vrarë dhe 1 i plagosur. Ekzekutohet vëllai i Ibrahim Licit, viktimë dhe një qytetare

Shkodra tronditet nga një atentat që shkaktoi 3 te vdekur dhe 1 të plagosur. Hamza Lici dhe Arlind Bushati u vranë teksa po udhëtonin me makinë. Në përpjekje për t’i shpëtuar plumbave makina e tyre goditi dy persona kalimtare te rastit, një prej te cilëve humbi jetën. Autoret djegin makinën pas ngjarjes.

Progres-raporti i KE për Shqipërine: Mbeshtesim objektivin për të mbylluar negociatat brenda 2027

Komisioni Europian publikon nesër Progres Raportin për Shqipërinë. Ne dokumentin e siguruar nga Klan, Brukseli shprehet se mbështet objektivin për mbylljen e negociatave brenda 2027-ës dhe vlerëson se vendi ka vullnet për të përmbyllur reformat e anëtarësimit.

Rama: Gropa e pensioneve, për shkak të bizneseve. Prokuroria s’ka bërë asgjë për denoncimet për evazion

Kryeministri Edi Rama thotë se gropa e krijuar në fondin e sigurimeve shoqërore është pasojë e evazionit fiskal të kryer nga biznese të shumta dhe kritikon prokurorinë se s’ka bërë asgjë për denoncimet për evazion fiskal.

Rivlëresimi i pasurive, ngërç në tregun imobiliar. Narea: Moskryerja e procesit por rrit informalitetin

Moskryerja e procesit te rivlerësimit të banesave shkakton ngërç në tregun imobiliar. Shoqata Kombëtare e Ndërmjetësve të Pasurive të Paluajtshme jep alarmin për ngrirje të transaksioneve dhe rritje të informalitetit.

Përmbytje apokaliptike në lindje të Spanjës. 62 viktima e shumë të zhdukur në Valencia

Përmbytje apokaliptike ne Valencia te Spanjës. Autoritetet njoftuan vdekjen e 72 personave, por bilanci pritet te rritet për shkak të numrit të lartë të të zhdukurve. Demet materiale janë të konsiderueshme, me shtëpi e rruge të shkatërruara.

Liga e kombeve, shiten të gjitha biletat për ndeshjen e Shqipërise me Çekinë

“Air Albania” do të jetë tërësisht i mbushur me tifozë për ndeshjen që Shqipëria do të luajë më 16 nëntor kundër Çekise për Ligën e Kombeve, pasi te gjitha biletat janë shitur. Sfida do te transmetohet drejtpërdrejt në Televizionin Klan.

/tvklan.al