Lajme, #edicioniinformativ ora 19:30 data 4 Korrik 2024 #TvKlan #KlanLajme

Spiker: Redi Prifti

Headlines 4 Korrik 2024

Arrestohet ish-ministri i shëndetësisë, Ilir Beqaj. Spak: Në krye të skemës së abuzimeve me fondet e BE

SPAK arrestohen ish-ministrin e Shëndetësisë, Ilir Beqaj. Ai akuzohet se ne bashkëpunim me 5 persona te tjerë ka abuzuar me fondet evropiane te Agjencisë Shtetërore te Programit Strategjik dhe Koordinimit te Ndihmës, SASPAC.

Ivanka Trump: Në Sazan sjellim markat më luksoze. Arkitektët më të mirë punojnë për resortin luksoz turistik

Ivanka Tramp, vajza e ish-Presidentit amerikan Donald Tramp thotë se për projektin e resortit luksoz që bashkëshorti i saj do të ndërtojë në ishullin e Sazanit po punojnë arkitektët më të mirë dhe se aty do të vijnë markat më të mëdha të botës.

Pushime në Shqipëri, jo vetëm nga europianët. Tur-operatorët: Kanë nisur që tani prenotimet për 2025

Agjencitë turistike shprehen se Shqipëria nuk është tashmë vetëm një destinacion pushimesh për europianët, pasi prenotimet janë rritur edhe nga përtej kontinentit. Këto agjenci thonë se që tani po marrin kërkesa për verën e 2025-ës.

37.5% e çifteve të reja Shqiptare nuk kanë fëmijë. Ekspertët: Duhet mbështetje sociale

37.5% e familjeve shqiptare nuk kanë fëmijë sipas shifrave që ka nxjerrë së fundmi Censi i popullsisë. Sociologët shprehen se nevojiten lehtësira dhe mbështetje financiare që të nxiten çiftet e reja të për zgjerimin e familjes së tyre.

Britania e Madhe mban sot zgjedhjet e parakohshme. Sondazhet parashikojnë humbjen e konservatorëve

Po mbahen sot zgjedhjet e parakohshme parlamentare në Britaninë e Madhe. Sondazhet parashikojnë një disfatë të konservatorëve pas 14 vitesh në pushtet, ndërsa laburistët pritet të marrin një shumicë të konsoliduar për të qeverisur.

E ardhmja e Sylvinho, Duka: Javën e ardhshme do të flasim me trajnerin për kontratën e tij

Në një intervistë për mediat italiane, Presidenti i Federatës të Futbollit, Armand Duka e vlerësoi si pozitive paraqitjen e Shqipërisë në Europian. Ai tha se javën e ardhshme do të diskutohet rinovimi i kontratës me trajnerin Silvinjo. 

/tvklan.al