Jimmy Kimmel i kundërpergjigjet akuzave të Trump: Të ka kaluar koah e burgut

Ky edicion i “Oscar” nuk do të harrohet lehtë për shkak të dy momenteve më pikante të mbrëmjes.

Gjatë ceremonisë së 96-të të Oscars moderatori Jimmy Kimmel lexoi me zë të lartë kritikat e ashpra në internet nga ish-presidenti i SHBA-së, Donald Trump.

“A ka pasur ndonjëherë një moderator më të keq se Jimmy Kimmel në Oscars,” postoi Trump në platformën e tij të mediave sociale Truth Social.

Kimmel, i cili ka patur mosmarrëveshje prej kohësh me Trump, me shaka i kërkoi audiencës të merrnin me mend se cili ish-president e kishte shkruar postimin dhe më pas tha: “Faleminderit, President Trump. A nuk ju ka kaluar koha e burgut?”

Nuk do të harrohet çmimi për kostumografinë, e gjitha kjo falë aktorit dhe mundësit të njohur John Cena i cili u shfaq në skenë i mbuluar me asgjë tjetër përveç zarfit me emrin fitues.

Momenti tjetër ishte edhe prania e Messit, qenit të parë në filmin ‘Anatomy of a Fall’, i cili  në mënyrën e tij u bë një nga yjet e mbrëmjes. Ai u shfaq i ulur në një nga kolltukët e kuq dhe duket se e shijoi ceremoninë pasi u shfaq shumë i qetë.

Kjo nuk është hera e parë që një mik me gëzof merr pjesë në natën më të madhe të Hollivudit. Vitin e kaluar, Kimmel solli një gomar në skenë.

Klan News