#Opinion | Emision politik live nga #BlendiFevziu në #TvKlan

Emisioni politik më i ndjekur dhe më i preferuar në ekranet shqiptare. “Opinion” vjen në katër takime çdo javë – e hënë, e martë, e mërkurë dhe takimi tradicional i të enjtes mbrëma.

Të ftuar: Sonila Tivari, Merin Maçi

Çamçakëz apo pilulë? Si u dha ‘alarmi’ për tabletën jeshile që konsumohej nga fëmijët

Një çamçakëz që përgjum fëmijët, ishte lajmi më i bujshëm i fundjavës në vend. Gazetari Merin Maçi foli mbrëmjen e sotme në studion e “Opinion” sa i takon kësaj pilule në ngjyrë jeshile, që në fakt nuk rezulton të jetë çamçakëz. Sipas tij, “alarmin” e ka dhënë fillimisht një prind i një djali rreth 10 vjeç në periferi të Tiranës.

“Kjo është pilula pasi është gjetur në një shkollë 9 vjeçare në periferi të Tiranës. Ka nisur të Enjten e shkuar, kur njëri nga prindërit e një nxënësi në klasën e katërt, pra rreth 10 vjeç, ka konstatuar në xhepin e pantallonave të fëmijës pikërisht këtë pilulë. Menjëherë ka kontaktuar stafin pedagogjik të shkollës “Yzberisht”, ndonëse lajmi për këtë pilulë u bë të premten pasdite në media, verifikimet e policisë kanë nisur që në orët e para të mëngjesit për shkak të një mesazhi që thuhej se ka kaluar në chat-grupet e prindërve që kanë një fëmijë në shkollat e mesme apo 9-vjeçare. Nxënësi është pyetur në prani të psikologut dhe ka deklaruar se kjo pilulë i është dhënë nga një shok i shkollës që ishte rreth dy vite më i madh. Edhe ky i fundit është marrë në pyetje, ka deklaruar se ia ka dhënë një djalë në zonën ku banon në formën e çamçakëzit. Nuk është tabletë xhelatinoze që lejon mundësinë të konsumohet si i tillë.”

Maçi theksoi se për rastin është kryer një verifikim në 243 institucione. Ai shtoi se do të jetë Institutiti i Shëndetit Publik (ISHP) ai që do përcaktojë përfundimisht përmbajtjen e pilulës. Megjithatë deri më tani përjashtohet mundësia për përmbajtje të lëndës narkotike.

“ISHP-ja do përcaktojë përbërjen e saj, është e sigurt që nuk ka përbërje të lëndës narkotike, por medikamente. Dyshohet se mund të përdoret edhe nga mosha e tretë për qetësim.”

“Me kanabis që 10 vjeç, me kokainë që 15”, takimi i frikshëm i adoleshentëve dhe lëndëve narkotike

Këtë fundjavë, lajmi se një çamçakëz i dyshuar si substancë narkotike që qarkullonte në shkolla dhe përgjumte fëmijët, ishte mjaft shqetësues. Uniformat blu ushtruan kontrolle në një shkollë në Yzberisht dhe nga analiza toksikologjike rezultoi se ishte thjesht vitaminë E.

Toksikologia Sonila Tivari,  e ftuar në “Opinion” në Tv Klan tha se pas këtij lajmi qëndron fenomeni shqetësues i qarkullimit të lëndëve narkotike në shkolla. Tivari tha se sipas referimeve të të rinjve,  konsumimi i kanabisit nis në mosha të hershme që 10 vjeç.

Së fundmi, është në rritje konsumimi i kokainës që nis te moshat 15 vjeç, në doza të konsiderueshme.

Sonila Tivari: Më shumë problematike është realisht situata dhe fenomeni që qëndron pas këtij lajmi.

Blendi Fevziu: Në ç’kuptim?

Sonila Tivari: Sepse me të vërtetë ky lajm rezulton që është ‘fake news’  për sa i përket pjesës kryesore të paktën nga  nformacionet që kemi deri më tani. Por fenomeni mbrapa është më shqetësues, abuzimi i drogërave te grupmoshat e adoleshentëve apo edhe të fmëijëve.

Blendi Fevziu: A qarkullojnë lëndë me përbërje toksike tek adoleshentët dhe kush është mosha më e vogël që ju keni konstatuar deri tani?

Sonila Tivari: Ne si toksikologë normalisht trajtojmë pacientë mbi moshën 16 vjeç deri 18 vjeç, por referimet e pacientëve janë që konsumimi ka nisur që në moshën 10 vjeç, 11 vjeç.

Blendi Fevziu: 10 vjeç, 11 vjeç? Lëndë toksike?

Sonila Tivari: Lëndë toksike, narkotike si hashashi, po flasim kryesisht për substanca që janë lehtë të gjendshme si kanabisi që është substanca e parë që abuzohet që në moshën 10 vjeç, 12 vjeç.

Blendi Fevziu: A ka substanca veç hashashit që është i njihur që një prind mund ta identifikojë menjëherë edhe nga era, a a substanca që një prind nuk reagon dot? Për shembull kjo ka alarmuar një prind, më pas një komunitet prindërish, më pas policinë….

Sonila Tivari: Unë gëzohem që janë alarmuar.

Blendi Fevziu: A ka raste që këto mund të ndodhin pa i vëzhguar prindërit?

Sonila Tivari: Shumica e fenomeneve ndodh në heshtje, pa vëzhgimin e prindërve. Konsumimi i kanabisit ndodh në shoqëri, konsumimi i gamabutiloraktoneve, janë përsëri substanca që nuk kanë ndonjë shenjë…

Blendi Fevziu: Kush janë substancat të cilat kryesojnë më së shumti të rinjtë sot?

Sonila Tivari: Kanabisi është substanca kryesore që abuzohet, por po shohim një trend në rritje të kokainës, edhe në mosha shumë të vogla.

Blendi Fevziu: Çfarë moshe?

Sonila Tivari: 15 vjeç.

Blendi Fevziu: 15 vjeç kokainë?

Sonila Tivari: Kokainë, në doza goxha serioze dhe në komplikacione fizike.

Blendi Fevziu: Në çfarë mase po shtohet, sa alarmues është?