Papa Françesku po tregon shenja përmirësimi, megjithëse mjekët paralajmërojnë se rikuperimi i tij do të kërkojë kohë për shkak të moshës së tij.

Ati i Shenjtë u shtrua në spitalin Gemelli në Romë në datën 14 Shkurt për shkak të pneumonisë. Ndërsa buletinët e fundit nga Vatikani kanë thënë se ai po përmirësohet dhe nuk është më në rrezik, por mjekët thanë se problemet e tij kronike shëndetësore edhe mund të vijojnë.

“Pavarësisht se sa shumë rikuperim mund të ketë, është e vështirë të imagjinohet se kjo mund të jetë e menjëhershme. Ai do të duhet t’i nënshtrohet terapive, rehabilitimit e kështu me radhë. Pra, ne do të jemi duke pritur më shumë ose më pak ndryshime të mëdha”, tha drejtori i spitalit Claudio Santini.  

Për mjekët, Papa ka ende nevojë për ndihmën e aparateve të frymëmarrjes. Sipas tyre, pas daljes nga spitali ai do të ketë një axhendë te kufizuar dhe më pak takime. Katolikët në mbarë botën shënojnë gjithashtu 12 vjetorin e zgjedhjes së Papa Françeskut si kreu i Kishës Katolike Romake, si papa i parë joevropian në gati 1300 vjet.

Pas Benediktit XVI, i cili ishte bërë Papa i parë në gjashtë shekuj që dha dorëheqjen, Papa Françesku u zgjodh më 13 Mars 2013. Ish-kardinali Jorge Mario Bergoglio i Argjentinës u bë shpejt i njohur për përulësinë e tij gjatë paraqitjeve të tij të para nga ballkoni i Bazilikës së Shën Pjetrit.

Papa Françesku ka vizituar mbi 60 shtete gjatë papatit të tij, duke përfshirë udhëtime historike në Filipine, Kubë dhe Irak. Ai është takuar me krerët e shteteve si Fidel Castro, Barack Obama, Donald Trump dhe Presidenti ukrainas Volodymyr Zelensky.

Ai ka shenjtëruar mbi 900 shenjtorë, mes tyre Gjoni XXIII, Gjon Pali II, Pali VI, Nënë Tereza dhe Oscar Romero, duke i dhënë formë trashëgimisë moderne të Kishës, ndërsa luftonte me sfidat shëndetësore, duke përfshirë shtrime tij të herëpashershme në spital.

Ka pasur spekulime se ai mund të zgjedhë të ndjekë paraardhësin e tij Benedikt XVI dhe të japë dorëheqjen nga papati, por biografët e tij kanë këmbëngulur se ai nuk ka në plan të tërhiqet.

Papa Françesku ka planifikuar gjithashtu të paktën një udhëtim të huaj në Turqi për festimin e 1700 vjetorit të një këshilli të madh të krishterë peshkopësh në Nikenë e lashtë.

Klan News