Pasditen e sotme, Drejtori i Përgjithshëm i Policisë së Shtetit, Haki Çako ishte në Drejtorinë Vendore të Policisë së Vlorës, ku zhvilloi një analizë me strukturat e kësaj policie.

Në qendër të kësaj analize ishte situata kriminale në këtë qark. Burime nga policia e Vlorës thonë se veçanërisht u bë një analizë e ngjarjeve të fundit të ndodhura në qark.

Çako mësohet se dha porosi dhe detyra për një plan të studiuar dhe konkret për goditjen e grupeve kriminale

“Identifikoni asetet e paligjshme dhe shtoni punën në sekuestrimin e tyre”

, mësohet të jetë shprehur numri një i Policisë. Theks i veçantë, theksojnë burimet, u vu tek bashkëpunimi i të gjitha strukturave të policisë dhe agjencive ligjzbatuese për rezultate të prekshme të shpejta.

Ky takim vjen pas atentatit të ndodhur mëngjesin e së dielës, ku mbetën të plagosur Ferdinand Llanaj dhe Dritan Bega. Në drejtim automjetit në të cilën ata ndodheshin u qëllua me të paktën 20 plumba kallashnikovi. /tvklan.al