Është vënë në pranga një 47 vjeçar në Berat. Sipas njoftimit zyrtar të Policisë, ai akuzohet nga autoritetet italiane si pjesëtar i një organizate kriminale që kryenin vjedhje me dhunë.
“Si rezultat i kontrolleve të kryera bazuar në informacionet e siguruara nga inteligjenca policore, për vendndodhjen e një shtetasi në kërkim ndërkombëtar, Shërbimet Operacionale të Drejtorisë Vendore të Policisë Berat, në bashkëpunim me Seksionin për Hetimin e Narkotikëve, kanë organizuar dhe finalizuar operacionin policor të koduar “Wanted”.
Gjatë këtij operacioni, u kap në Berat dhe u arrestua me qëllim ekstradimin në Itali, shtetasi M. B., 47 vjeç, banues në Berat. Ky shtetas ishte shpallur në kërkim ndërkombëtar pasi Gjykata e Benevento, Itali, me vendimin e datës 16.07.2019, i ka caktuar masën e sigurisë “Arrest në burg”, për veprat penale “Grup kriminal në vjedhje me dhunë”, sipas Kodit Penal të Italisë”, thonë blutë.
Interpol Tirana dhe Interpol Roma do të kryejnë procedurat e ekstradimit të tij në Itali.
/tvklan.al
