Real Madrid pësoi një tjetër humbje në “El Clasico”, por këtë herë ishte më e dhimbshme, sepse ndodhi në finalen e Superkupës së Spanjës.

Madrilenët u mposhtën me rezultatin 5-2 nga Barcelona, me katalanasit që konfirmohen si “makthi” i skuadrës së Ancelotti-t.

Megjithatë presidenti i “Los Blancos”, Florentino Perez nuk donte ta bënte dramë këtë humbje. Në një bisedë me Luka Modric, Perez u mundua të qetësonte kroatin duke thënë: “Ne duhet të humbasim ndonjë finale, apo jo?!”

Fokusi për Realin tani është në kampionat, aty ku ndodhen para Barcelonës, por edhe në Ligën e Kampioneve, ku synojnë të renditen mes tetë të parave. /tvklan.al