Trajneri i Romës, Claudio Ranieri, vlerësoi Milanin, në prag të përballjes me kuqezinjtë në kampionat.

Ranieri deklaroi se Milani ka lojtarë të mirë dhe duhet kujdes maksimal. Tekniku verdhekuq, theksoi se ka besim maksimal tek ekipi i tij.

“Milani ka lojtarë shumë të fortë dhe të mirë, prandaj na duhet të jemi të përqendruar maksimalisht. Në fushën e tyre, kuqezinjtë janë skuadra që pësojnë më pak gola, ndërsa ne jemi ekipi që shënojmë më pak jashtë. Duhet të bëjmë një ndeshje të madhe. Jam i bindur se do të bëjmë një ndeshje të madhe. Duhet të japim gjithçka deri në sekondën e fundit. Duhet të jemi të kujdesshëm kur humbasim topin.

Nuk kam vendosur ende për formacionin. Vendimet i marr një ditë para ndeshjes. Kam besim te lojtarët e mi”, deklaroi Ranieri. /tvklan.al