Modelja Adrola Dushi prej një kohe të gjatë është zhvendosur në Amerikë, nga ku po vazhdon edhe karrierën e saj në modeling.
Në mediat rozë prej një kohe të gjatë është folur për një lidhje të mundshme me kandidatin për deputet në Kuvendin e Kosovës, Albin Gashin. Madje u përfol se për shkak të lidhjes mes tyre, Adrola do zhvendosej në Prishtinë.
Duket se këto thashëtheme e kanë mërzitur Adrolën, e cila ka reaguar e revoltuar përmes një postimi në Instastory.
Ajo shprehet se asnjëherë nuk ka reaguar në lidhje me shkrimet e ndryshme që bëhen në portale, por duke qenë se po përsëritet gjithmonë e njëjta histori, ajo ka vendosur të flasë për herë të parë dhe të fundit në lidhje me zërat që janë krijuar për të.
Adrola bën të ditur se që në momentin e parë që u zhvendos drejt Amerikës, nuk e ka menduar asnjëherë që të largohet prej aty për asnjë arsye.
Sipas saj, gjithçka çfarë lexohet nëpër portale është e gjitha një fantazi dhe larg realitetit të saj./tvklan.al
