Pak kohë më parë emisioni “Stop” publikoi disa vendime flagrante të gjyqtares Pajtime Fetahu. Pas këtyre problematikave të transmetuara, Prokuroria Elbasan ka rihapur çështjen me numër të ri procedimi. Mësohet se Prokuroria ka sekuestruar dosjen dhe ka marrë masa proceduriale për të zbardhur rastet.

Ajo që mbetet është që prokurorja e çështjes të kërkojë pezullimin e gjyqtares Pajtime Fetahu, si person nën hetim dhe që mund të ndikojë në të.

Pikërisht këtë shqetësim ngriti edhe drejtuesi i “Stop”, Saimir Kodra, i cili kërkoi nga prokurorja që të merrte në konsideratë faktin që gjyqtarja ndodhet gjatë gjithë kohës në ambientet e gjykatës dhe kjo i jep mundësinë që të tjetërsojë materialet që mund ta kompromentojnë. Ndaj ai sugjeroi që ndoshta pezullimi i saj do të ishte në interesin më të mirë të hetimeve.

“Jemi të në mbështetje të plotë të prokurorisë, vetëm detyrën tuaj, kaq kërkojmë. Por përtej të gjithave, ju falenderoj që keni hapur tashmë hetimin, mos ndoshta prokurorja që ka çështjen duhet të bëjë pezullimin për momentin të zonjës Patime Fetahu, sepse Pajtimja është gjithë ditën, noton në ato ujëra ku janë provat shkresore, ku janë materiale që mund edhe të tjetërsohen. Absolutisht që po. Kush më garanton mua dhe publikun zonja prokurore, që Pajtimja nuk shkon të ndryshojë vendimin, firmën, vulën, datën në regjistra? Sigurisht ne kemi origjinalet të marra tashmë nga fashikujt, nga dosjet dhe librat e gjykatës, nga kancelaria e saj. Psh sot kapet një drejtor që ka bërë abuzime që ka qenë në postin e tij dhe gjykata cakton masë arrest me burg, sepse mund të prishë provat po të jetë vërdallë. Ose vendos arrest shtëpie…”,

tha Kodra.

“Por ne kemi njerëzit, mjetet, metodat, për ta marrë vesh”,

shtoi Zenelaj.

“Të inkuraroj shumë për nismën e re, uroj të kemi një përgjigje pozitive, qoftë ajo dhe që Pajtimja nuk ka faj, po qoftë edhe që ka faj. Por dua t’i mëshoj fort momentit që; a ia vlen për të parë specifikisht momentin e pezullimit nga puna të Pajtime Fetahut. Sepse ajo është pjesë e një hetimi dhe pikërisht në Gjykatë ku hetohet gjithë çështja, punon përditë Pajtimja”,

tha më tej Saimir Kodra.

/tvklan.al