Mbi 4000 persona që ishin futur ilegalisht në Britaninë e Madhe janë riatdhesuar në Shqipëri.

Shifra u bë e ditur nga ministri i Brendshëm, Taulant Balla gjatë takimit tripalësh të Task-Forcës së përbashkët Shqipëri-Britani-Kosovë, të zhvilluar këtë të mërkurë në Tiranë.

Sipas ministrit Balla, kjo taskë forcë ka forcuar bashkëpunimin mes 3 shteteve dukë dhënë rezultate kundër krimit të organizuar.

“Kemi mundësuar dhe arritur kthimin e mbi 4000 personave, të cilët kanë hyrë ilegalisht në Mbretërinë e Bashkuar dhe po ashtu të theksoj se Task Forca e përbashkët për migracionin ka operacionalizuar bashkëpunimin tonë për migracionin dhe ka forcuar qëndrueshmërinë e kufirit, duke trajtuar rrugët e përdorura nga grupet e krimit të organizuar, duke kontrabanduar para, drogë, në mënyrë të jashtëligjshme”.

Gjatë takimit të mbajtur, Balla propozoi krijimin e një bashkëpunimi më të zgjeruar edhe me vende të tjera të Ballkanit Perëndimor.

Tv Klan