Trajneri i Borussia Dortmundit, Edin Terzic, është i bindur se skuadra e tij mund të mposhtë Real Madridin në finalen e Ligës së Kampionëve të shtunën në Wembley.

Verdhezinjtë do të kërkojnë të bëjnë historinë e të fitojnë trofeun e rëndësishëm ndaj ‘Los Blancos”, rekordmenët e kompeticionit.

“Unë jam plotësisht i bindur se çdo gjë është e mundur në një ndeshje të vetme dhe nëse dikush ka treguar se mund të arrish shumë në një ndeshje, jemi ne, veçanërisht këtë sezon, veçanërisht në këtë kompeticion! Gjëja më e rëndësishme është se nëse kërkon të fitosh Ligën e Kampioneve, duhet të mposhtësh kampionët. Kundër kemi kampionët absolutë në historinë e futbollit dhe veçanërisht në këtë kompeticion”.

Terzic nuk shqetësohet se ‘Los Blancos’ nuk kanë humbur në tetë finalet e mëparshme ku kanë luajtur. Për të, çfarë ka rëndësi është vetëm sfida e radhës.

Dortmundi përfundoi i pesti në Bundesligë këtë sezon, duke siguruar me vështirësi vendin në Ligën e Kampioneve për sezonin e ardhshëm.

Përveç tetë finale të fundit të fituara në Çempions, Los Blancos e kanë fituar pesë herë trofeun europian, me në total 14 të tillë.

Kurse Dortmundi Çempionsin e ka fituar në 1997, ndërsa u mund në 2013 në finale nga Bajern Mynihu.

Klan News