Ulet mbi 20 Lekë nafta, në bursë bie 4 USD

Çmimi i karburanteve u ul ndjeshëm paraditen e të premtes në krahasim me ditët e fundit. Një litër naftë shitet me rreth 223 Lekë, nga 250 Lekë që është shitur mesatarisht gjatë kësaj jave.

Në disa pika, çmimi më i ulët ishte 126 Lekë për litër. Me i larti në 239.

Edhe në ndërkombëtare çmimi i naftës ka pësuar ulje. Por nuk është e qartë nëse tregtarët në Shqipëri kanë reflektuar nga bursa, nga protesta e qytetarëve apo nga paralajmërimi i qeverisë për të mos toleruar spekullimet.

Në bursë një fuçi naftë po shitet për 109 Dollarë, nga 113 Dollarë që u tregtua në mes të javës.

Çmimet janë rritur si pasojë e ndalimit të importit të naftës ruse nga Perëndimi, por organizata OPEC i qetësoi tregjet sot duke thënë se do të rrisë prodhimin.

Ulja e çmimit nuk është reflektuar tek gazi i lëngshëm i cili vijon të shitet nga 95-99 lekë për litër.

Tv Klan