Duke folur në një tryezë mediatike presidenti i nderit i Bayern, Uli Hënes ka dhënë mendimet e tij për lojtarin e Bajer Leverkusen, Florian Virtc.

Kur u pyet se çfarë mendon për lojtarin më të mirë të sezonit të Bundesligës, Hënes tha: Të gjithë e dinë se do të doja ta shihja atë në Bayern. Por unë mendoj se zhurma rreth Virtc dhe Musiala-s është e gabuar. Nën këto presione, ato nuk mund të zhvillohen siç duhet. Mendoj se është çmenduri të krahasosh Jamal me Maradonën. Kjo nuk u bën favor lojtarëve të rinj. Nuk ka dyshim se ata mund të arrijnë në atë nivel. Por unë mendoj se është një gabim i madh t’i vësh ata nën kaq shumë presion tani.

Për fat të mirë, paraqitjet e Gjermanisë në Euro 2024 treguan se Musiala dhe Ëirtz janë të aftë të luajnë së bashku, më parë mendohej se dyshja mund të pengonte njëri-tjetrin në fushë.

Javët e fundit spekulimet rreth Virtc dhe Bayern janë shtuar. Disa media kanë raportuar se sulmuesi i Leverkusenit është një objektiv i Bayernit verën e ardhshme dhe të tjerë kanë thënë se Bayern synon të bashkojë Musiala, Virtc dhe Xavi Simons së bashku në Bayern vitin e ardhshëm.

Sidoqoftë, Ëirtz do të qëndrojë në Leverkusen të paktën edhe për një vit, tha babai i tij në fillim të Euro 2024.

Ndërsa Bayern mund të mos e bëjë përpjekje për të nënshkruar me Virtc pasi Real Madrid thuhet gjithashtu se është i interesuar për 21- vjeçarin, veçanërisht nëse trajneri aktual i Leverkusenit, Xabi Alonso do të transferohet në Bernabeu verën e ardhshme.