Duke qenë se Kastriot Çaushi e imitoi në mënyrë perfekte “raportin” e Gentian Zenelajt me celularin, ky i fundit bëri një premtim te “Kampionët”. Aktori tha se do e fikë celularin dhe do ndjekë me kërshëri dy ndeshjet e rëndësishme të Europianit, Spanjë-Gjermani e Portugali-Francë.

Kjo për të hedhur poshtë teorinë se ai është i fiksuar pas celularit dhe sigurisht për të ardhur në studio “me laps e letër”.

Marina Vjollca: Si mendon se do të jetë nesër ndeshja, hahaha? Është bukur kështu?

Gentian Zenelaj: Nesër, si asnjëherë tjetër në jetën time, unë do fik celularin.

Marina Vjollca: Pse??

Gentian Zenelaj: Do jem me Kaçin prezent, do ta fik celularin. Dhe do t’i shoh këto ndeshje çdo sekondë…

Kastriot Çaushi: Nuk ndodh!

Gentian Zenelaj: Unë jam djalë që e mbaj fjalën. Do ta lë në shtëpi mor fare.

Kastriot Çaushi: Ti je i sëmurë si rrallëkush me celularin!

Gentian Zenelaj: Puna ime nuk mbaron me njerëzit që u kthej përgjigjie.

Marina Vjollca: Pse çfarë punon, në Call Center?

Gentian Zenelaj: Po jo moj Marina, unë bashkë me Sajmirin jemi pjesë e emisionit “Stop” dhe ne na shkruan gjithë Shqipëria.

Marina Vjollca: Sapo i bëra një pyetje me të qeshur dhe ma ktheu prapë seriozisht. O Zot, ju lutem stabilizoni Gentin.

Gentian Zenelaj: O ke ngrënë sheqer nuk e di, por ke një sugar rush të paparë. Po Marina, punoj në Call Center. Po ke këta dëshmitarë që unë do ta fik celularin.

Imitimi që bëri Çaushaj për Zenelajn:

/tvklan.al