Lajme Arkiva – TV Klan 2004

Një vajzë 22-vjeçare ka vdekur dhe tre të tjerë janë plagosur, mes të cilëve dhe aktori i humorit Ismet Drishti gjatë një aksidenti pasditen e djeshme në Bushat të Shkodrës. Rreth orës 17:30 makina tip Benz që drejtohej nga Ismet Drishti është përplasur me makinë tip Land Rover, pronë e fondacionit Kafod Albania e drejtuar nga Engjëll Kalaj.

Si pasojë e përplasjes ka vdekur Stela Xoxe 22-vjeçe, ndërsa është plagosur Ismet Drishti, vajza e tij, si dhe drejtuesi i mjetit tjetër Kalaj. Të plagosurit ndodhen në spitalin e Shkodrës dhe gjendja e tyre vazhdon të mbetet kritike. Më rëndë paraqitet gjendja e Drishtit, i cili i është nënshtruar një operacioni të gjatë dhe mjekët nuk kanë lejuar as transportin e tij me helikopter drejt Tiranës.

Policia ende nuk ka dalë më një version përfundimtar mbi shkakun e aksidentit, por paraprakisht mendohet se shpejtësia tej normave të lejuara ka qenë shkaku./tvklan.al