Cristiano Ronaldo nuk po kalon momentin më të mirë të karrierës. Eliminimi nga Kupa e Arabisë Saudite ka lënë shije të hidhur te portugezi, i cili që prej kalimit te Al Nassr ka ngecur të fitojë trofe.

Rritja e Al-Nassr në arenën globale me CR7 në krahun të tyre nuk ka shkuar paralelisht me suksesin që e ka ndjekur aq shpesh gjatë gjithë karrierës së tij. 39-vjeçari mbetet një mrekulli më vete, duke pasur parasysh moshën, por ndikimi i tij me gola dhe asiste nuk ka arritur të gjejë lavdi në Lindjen e Mesme.

Suksesi i ka shpëtuar Ronaldos në Ligën e Kampionëve AFC dhe Kupën e Mbretit, me trofeun e vetëm me ngjyrat e Al-Nassr që vjen në verën e vitit 2023, kur ata mundën Al-Hilal në finalen parasezonale të Kupës së Kampionëve për zonën Arabe.

Një lëvizje mjaft zhgënjyese për standardet e Ronaldos, i cili shpreson të arrijë kuotën e 1 mijë golave përpara se të varë këpucët në gozhdë. Shifrat e Ronaldos mbeten po aq mbresëlënës si kurrë më parë, nëntë gola dhe tre asistime në 12 ndeshje me klubin këtë sezon. Shpresat për titujt mbeten ende të gjalla në këtë edicion, gjithsesi forma e shokëve të skuadrës nuk bind Ronaldon për suksese të mëdha.

Klan News