Cristiano Ronaldo është në një moment vendimtar në karrierën e tij. Me përfundimin e kontratës me Al Nassr (mesi i vitit 2025), portugezi po vlerëson opsione të ndryshme për të ardhmen. Mes tyre bie në sy mundësia e vazhdimit në ligën saudite, por me një projekt sportiv më ambicioz që i mundëson të konkurrojë për tituj.

Cristiano Ronaldo ka kërkuar përforcime elitare, siç është rasti i Casemiro. Të dy lojtarët ndanë dhomën e zhveshjes për pesë sezone tek Real Madrid dhe krijuan një miqësi të madhe. Braziliani po kalon një moment të vështirë te Manchester United. Performanca e tij është ndikuar nga problemet e ekipit dhe ai mund të jetë i hapur për një sfidë të re.

Ardhja e Casemiro në Arabinë Saudite jo vetëm që do të forconte skuadrën e Cristiano Ronaldos, por do të rigjallëronte edhe karrierën e brazilianit. Së bashku, ata mund të formojnë një dyshe ëndrrash dhe të udhëheqin një projekt fitues.

Al Nassr kërkon të konsolidohet si një nga skuadrat më të fuqishme në Azi dhe për ta bërë këtë duhet të përforcohet me lojtarë të klasit botëror. Për këtë ata kanë përgatitur ofertën 784 mijë Euro në javë për Casemiro. Sauditët do të ishin të kënaqur t’i paguanin manchesterit 30 milionë Euro për kartonin e tij.

Tv Klan