Trajneri i Real Madridit, Carlo Ancelotti dëshiron që sulmuesi Kylian Mbappe të fokusohet në shënimin e golave ​​në vend që të bëjë presing.

Në konferencën për shtyp përpara ndeshjes në Ligën e Kampionëve kundër Borussia Dortmundit, tekniku italian u shpreh se ai preferon që francezi të fokusohet të jetë gati për ndryshime të shpejta në ofensivë.

“Të shënojë gola! Po, unë preferoj që Mbappe të shënojë gola më shumë se sa të bëjë presing! Pozicioni ynë si qendërsulmues nuk ka ndryshuar vitet e fundit. I kërkoj Mbappe-s të bëjë pikërisht atë që bëri Benzema; të pozicionohet mirë për të qenë gati sapo të rikuperojmë topin dhe të përpiqemi të bëjmë tranzicione të shpejta gjatë lojës.”

“Los blancos” do të përballen me Borusia Dortmundin në “Bernabeu” në sfidën e radhës në Ligën e kampioneve. Për Ançelotin, kjo ndeshje duhet fituar medoemos.

“Borussia ka ndryshuar sepse së pari, kanë ndryshuar trajnerin e tyre. Ata kanë edhe lojtarë të rinj, por ruajnë të njëjtën filozofi futbolli. Një ekip që bën lojë intensive e luan mirë, si individualisht ashtu edhe kolektivisht. Pra, është një ndeshje kundër një kundërshtari të fortë.”

Të dyja skaudrat janë përballur për herë të fundit në finalen e Ligës së Kampioneve në Londër, me “Los blancos” fitues, që ngritën trofeun për herë të 15 në historinë e tyre.

Klan News