Nedim Bajrami shënoi gol, por skuadra e tij Rangers u mposht në finalen e luajtur në “Hampden Park” nga Celtic që ngriti trofeun e Kupës së Ligës.

Koha e rregullt u mbyll me rezultatin 3-3, e takimi u përcaktua nga gjuajtja e penalltive. Mesfushori kuqezi realizoi në minutën e 41’ dhe bëri një paraqitje të mirë në “derbin e Gllasgout”.

Qazim Laçi ishte protagonist në fitoren e Sparta Pragës në përballjen kundër Jabloneçit me rezultatin 2-1 në sfidën e javës se 19 të kampionatit çek.

Futbollisti dha dy asiste, ndërsa 1 gol u shënua nga sulmuesi i Kosovës Albion Rrahmani.

Në këtë sezon, Laçi ka realizuar dy gola dhe ka dhënë 4 asiste.

Rrugën e rrjetës këtë fundjavë e gjeti edhe Taulant Seferi. Sulmuesi kuqezi shënoi në fitoren e Bodrumspor 2-0 ndaj Sivasspor. Ky ishte goli i tretë i Seferit në këtë kampionat.

Medon Berisha u aktivizua si titullar në takimin e Leçe ndaj Monza-s. Mesfushori kuqezi dha 1 asist në fitoren 2-1 te puljezeve.

Klan News