Presidenti amerikan Joe Biden pranon humbjen e demokratëve në garën presidenciale, të cilën ai e la përgjysmë. Në një deklaratë për gazetarët në oborrin e Shtëpisë së Bardhë ku nuk pranoi pyetje prej tyre, Biden e quajti “hap pas” rikthimin e Donald Tramp-it.

Joe Biden, president i SHBA:  Hapat pas janë të pashmangshëm, por dorëzimi është i pafalshëm. Ne e humbëm këtë betejë, por Amerika e ëndrrave po ju thërret të ngriheni sërish.

Presidencën e tij e konsideroi si më të suksesshmen në histori.

Joe Biden, president i SHBA: Po lemë ekonominë më të fortë në botë. E kuptoj që disa njerëz ende ndjejnë vështirësi, por gjërat janë më mirë se ç’i gjetëm.

Ashtu si Herris, edhe Bajden premtoi se do të ndihmojë Trampin në fazën e kalimit të pushtetit. Presidenti tha se demokratët do të pranonin një transferim paqësor të pushtetit, një deklararë që është interpretuar si një thumbim ndaj paraardhësit të tij.

Tv Klan