Titujt kryesorë 04 Prill 2010, ora 19:30

Bota e krishterë kremton Pashkët, papa uron edhe në shqip

Besimtarët katolikë dhe ortodoks në mbarë botën kremtojnë sot Pashkët, festën që simbolizon ringjalljen e Krishtit. Papa Benedikti XVI uroi edhe në shqip në meshën tradicionale, të mbajtur në  Vatikan.

Berisha në Kuvajt: Bashkëpunimi ekonomik në fokus të vizitës

Bashkëpunimi në fushat e turizmit, energjitikës dhe infrastrukturës ishin në fokus të vizitës së Kryeministrit Berisha në Kuvajt. Kreu i qeverisë shqiptare dhe homologu i tij kuvajtjan diskutuan për sektorët me potencial për shfrytëzim nga investitorët kuvajtjan.

EuroKlan, vizitat me Shqipërinë dhe hyrja në fuqi e kodit Shengen

Nga nesër hyn në fuqi kodi i ri Shengen për vizat afatshkurtra me Bashkimin Europian. Rubrika e EuroKlan na njeh me përfitimet e këtij vendimi dhe angazhimin e Komisionit Europian për heqjen e vizave me Shqipërinë.

Një vit pas anëtarësimit, ja sfidat e Shqipërisë në NATO

Më 4 Prill të vitit të shkuar flamuri i Shqipërisë u valëvit për herë të parë mes atyre të vendeve anëtare në NATO. Një vit pas anëtarësimit ushtria është e gatshme të marrë pjesë jo vetëm në misionet paqeruajtëse në botë, por edhe në operacionet antiterrorizëm.

”Gjeniu i Vogël” përzgjedh 8 konkurrentët finalistë

Mbrëmë mbylli siparin një prej netëve më emocionuese të spëktaklit “Gjeniu i Vogël”, i cili shënoi dhe përzgjedhjen e tetë konkurrentëve finalistë, nga 16 fëmijët pjesëmarrës në garë.

“Jeta ime, intervistë me Blendi Fevziu”, del libri i gazetarit të njohur

Gazetari i njohur Blendi Fevziu sjell për publikun librin “Jeta ime, intervistë me Blendi Fevziu”. Libri përmban 23 intervistat e personazheve më të spikatur që kanë dominuar në historinë e shtetit shqiptar në 100 vitet e ekzisencës së tij.

Josa: Ja sekreti i fitoreve të Skënderbeut

Ekipi i Skënderbeut është larguar ndjeshëm nga zona e rrezikut të rënies nga kategoria me 6 fitore rradhazi. Trajneri Josa thotë se sekreti i këtyre fitoreve është serioziteti i skuadrës dhe siguria financiare e klubit.

Edicioni i lajmeve Tv Klan  – 04 Prill 2010, ora 19:30 – Spiker: Reis Çiço