Kosova duhet ta provojë nga Liga e Kombeve

Franca, Turqia, Anglia dhe Çekia janë përfaqësueset që siguruan kualifikimin në finalet e Euro 2020.

Nuk ka më shpresë Kosova nga eliminatoret pas humbjes 2 – 1 në fushën e Çekisë. Dardanët edhe pse shënuan me Nuhiun nuk e mbrojtën avantazhin deri në fund.

Kualifikimi tani do të synohet nga finalet e Ligës së Kombeve në Divizionin D, ndeshje që do të luhen Marsin e ardhshëm.

Fitore e thellë e Anglisë 7 – 0 ndaj Malit të Zi. Kapiteni Kane realizoi 3 gola. Franca fitoi me përbysje 2 – 1 me Moldavinë, ndërsa Turqia barazoi pa gola me Islandën.

Përfaqësuesja franceze dhe ajo turke, pjesë e grupit të Shqipërisë, në javën e fundit do të luajnë ndeshjet e tyre vetëm për të vendosur vendin e parë.

Ekipet e kualifikuara deri më tani në finalet e Euro 2020 janë 10.

Tv Klan