Asnjë investim në infrastrukturë dhe papunësi e lartë

Fshati Linaj i Malësisë së Madhe po braktiset çdo ditë e më shumë nga banorët. Shkak për këtë është bërë mungesa e infrastrukturës, ujit, energjisë dhe papunësia.

Banorët thonë se prej gati 3 dekadash ata nuk kanë parë asnjë investim në fshatin e tyre. Të vetmen gjë që ata marrin janë vetëm premtimet në kohë fushate.

Një tjetër problem shqetësues për këtë fshat është edhe amortizimi i kabinës elektrike, e cila thuajse është rrëzuar duke rrezikuar qindra familje që jetojnë aty.

Çdo ditë fëmijët e fshatit janë të detyruar të kalojnë në afërsi të kabinës, pasi është rruga ku lëvizin për të shkuar në shkollë.

Tv Klan