Viti 2024 në tenis nën dominimin e Jannik Sinner. Për të shtatin kompeticion në 8 finalet e deritashme, italiani arriti të ngre lart trofeun e Masterit 1000 të Shangai.

Numri 1 i botës konfirmoi forcën ndaj Novak Djokovic pasi e mposhti 7-6 dhe 6-3. Finale e dominuar totalisht prej Sinner që triumfoi me shifrat e pastra 2-0 me sete, duke konsoliduar pozitat në krye të renditjes së ATP.  

Italiani ka fituar deri më tani 17 tituj, teksa kjo ishte hera e tretë radhazi që Sinner mund Gjokoviç pas finales së 2023 në Kupën Dejvis dhe gjysmëfinalen e Australian Open.

Për 23-vjeçarin ky është trofeu i parë në Shangai, të cilin Novak e ka fituar 4 herë në karrierë. Fitorja e turneut të Kinës ndaj kampionit serb do t’i sjellë edhe një bonus prej mbi 1 milion Dollarë.

Një shifër e çmendur prej 1.3 milionë Dollarësh që i shtohet sezonit fantastik që po përjeton Sinner, ku deri më tani ka koleksionuar 10 milionë Euro bonuse.

Në karrierën e shkurtër në tenis, Sinner ka marrë në total 26 milionë Euro, çmime të denja për numrin 1 të tenisit botëror.

Klan News