Një grua mbeti e vrarë nga kunati i saj pasditen e kësaj të marte në Tiranë. Ngjarja e rëndë ndodhi rreth orës 17:40 në Bathore, në rrugën “Apollonia”. Burime zyrtare të policisë thonë se një konflikt i çastit, bëri që Agron Tanushi të vriste me armë zjarri kunatën e tij, Jetmira Hasani.

Motivet e ngjarjes së rëndë momentalisht mbeten të paqarta. Pas vrasjes, Tanushi është larguar nga vendi i ngjarjes dhe aktualisht forca të shumta policie kanë rrethuar zonën dhe vijon punën për kapjen e tij.

Gjithashtu është ngritur grupi hetimor dhe nën drejtimin e Prokurorisë po vijon puna për sqarimin dhe dokumentimin e plotë të rrethanave të ngjarjes./tvklan.al