#Lajme, #edicioniinformativ ora 23:30 data 7 Shtator 2023 #TvKlan #KlanLajme

Spiker: Redi Prifti

Headlines 7 Shtator 2023

Shqipëria barazon me Çekinë dhe mban vendin e dytë. Bajrami  bën “mrekulli” në Pragë

Shqipëria mori një barazim me shumë vlera me Çekinë në Pragë dhe mban vendin e dytë në grup. Mrekullinë e bëri Bajrami ne pjesen e dyte, i cili barazoi rezultatin në 1 me 1 me një gol shumë të bukur nga jashtë zone. Ndeshja u transmetua ne Tv Klan   

Thellohet bilanci i viktimave nga stuhia “Daniel”. 17 të vdekur në Greqi, Bullgari e Turqi

Arrin në 17 numri i viktimave nga stuhia e pazakontë Daniel që prej 3 ditësh po godet jugun e Ballkanit. Shumica e viktimave janë shënuar në Turqi, ndërsa humbje jete dhe dëme të konsiderueshme ka edhe në Greqi e Bullgari.

Policia shpëton çiftin francez te Shpella e Pëllumbasit. 21 turistë kërkuan ndihmë në 2023

Policia shpëton pas 5 orësh operacion një çift francezesh të cilët ishin bllokuar në një zonë të thyer në afërsi të shpellës së Pëllumbasit në Tiranë. Vetëm gjatë këtij viti kanë qenë 21 turistë të huaj që kanë kërkuar ndihmë nga autoritetet.

BSH: Zhvillime pozitive në 6 muajt e parë të vitit. Papunësia në rënie, u rrit punësimi e pagat

Zhvillimet ekonomike në 6 muajt e parë të këtij viti shihen pozitive nga Banka e Shqipërisë. Banka Qendriore vlerëson se shifrat tregojnë papunësinë në rënie dhe rritjen e pagave. Problem mbetet niveli i inflacionit i ndikuar nga jashtë.

DW: Shqipëria, parajsë e ushqimit tradicional. Reportazh 24 orë në baret e restorantet e Tiranës

Dojçe Vele i kushton një reportazh kuzhinës tradicionale shqiptare. Gazetarja e saj është ndalur për 24 orë në disa nga baret dhe restorantet e kryeqytetit duke vlerësuar gatimet e veçanta.

“Love Island Albania”, tani me një aplikacion dedikuar ekskluzivisht spektaklit të dashurisë

Një aplikacion falas dhe tërësisht dedikuar “Love Island Albania”. Është kjo risia që sjell programi i dashurisë për ndjekësit e tij në rrjetet sociale. Përmes aplikacionit mund të votoni për të zgjedhur personin apo çiftin më të pëlqyer nga ju.

/tvklan.al