#Lajme, #edicioniinformativ ora 19:30 data 10 Shtator 2023 #TvKlan #KlanLajme

Spiker: Reis Çiço

Headlines 10 Shtator 2023

Shqipëri-Poloni, sonte në Tv Klan. Atmosferë e zjarrtë në ‘’Air Albania’’.  

Kombëtarja shqiptare e futbollit pret sot Poloninë në stadiumin “Air Albania”, sfidë që të transmetohet drejtpërdrejt dhe falas në ekranin e Tv Klan. Trajneri Silvinjo pritet të hedhë në fushë lojtarët e ndeshjes me Çekinë.

Mediat kanadeze: Shqipëria, perla e fshehtë. Rama: Sezoni veror vijon.

Shqipëria vihet sërish në fokus të mediave ndërkombëtare për bukuritë e saj. E përditshmja kanadeze “Narsiti” fton lexuesit të shijojnë rivierën joniane. Reagon kryeministri Rama që thotë se sezoni veror i këtij viti nuk ka përfunduar ende.

Nisja e vitit të ri shkollor, Ekspertët: Kujdes me fëmijët e klasave të para.

Mijëra fëmijë nisin nesër vitin e ri shkollor ku nuk mungojnë edhe ata që ulen për herë të parë në banka. Ekspertët thonë se kthimi nga pushimet shkakton jo pak stres tek të vegjlit sidomos tek ata të klasave të para.

Del video e vrasjes së 41-vjeçarit në Vlorë. Dyshohet sr krimi u krye nga 3 persona.

Publikohen pamjet e kamerave të sigurisë nga vrasja e Leart Kekës mbrëmjen e së shtunës në Vlorë. Atentati dyshohet se është kryer nga 3 autorë. Viktima ka marrë 6 plumba në trup, ndërsa në polici janë shoqëruar sot të paktën 8 persona.

Mbi 2000 viktima nga termeti në Marok. Mijëra të plagosur dhe dëme të shumta.

Tërmeti apokaliptik në Marok numëron deri tani mbi 2 mijë viktima ndërsa 1400 persona janë të plagosur në gjendje të rëndë. Sipas OKB nga ky tërmet janë prekur 300 mijë banorë ndërsa dëmet materiale janë të konsiderueshme.

‘’Love Island Albania’’, tjetër sukses në Tv Klan. Mbrëmja e së shtunës, emocione dhe spektakët.

Tjetër mbrëmje e suksesshme e spektaklit të dashurisë “Love Island Albania” në Tv Klan nën drejtimin e Luana Vjollcës. Opinionistët Olti Curri dhe Dalina Buzi, për herë të parë bashkë në ekran. Nuk munguan debatet, surprizat dhe emocionet.

/tvklan.al