#Lajme, #edicioniinformativ ora 23:55 data 10 Shtator 2023 #TvKlan #KlanLajme

Spiker: Reis Çiço

Headlines 10 shtator 2023

Historike/ Shqipëria fiton ndaj Polonisë dhe merr kreun. Sfida, live në Klan

Shqipëria arrin një fitore historike ndaj Polonisë në Tiranë që e afron më shumë me objektivin Euro 2024. Golat e Asanit dhe Dakut vendosën suksesin 2 – 0 që e ngjit kombëtaren tonë në krye të grupit. Sfida u transmetua pa pagesë në Tv Klan.

Mediat kanadeze: Shqipëria, perla e fshehtë. Rama: Sezoni veror vijon.

Shqipëria vihet sërish në fokus të mediave ndërkombëtare për bukuritë e saj. E përditshmja kanadeze “Narsiti” fton lexuesit të shijojnë rivierën joniane. Kryeministri Rama që thotë se sezoni veror i këtij viti nuk ka përfunduar ende.

Nisja e vitit të ri shkollor, Ekspertët: Kujdes me fëmijët e klasave të para.

Mijëra fëmijë nisin nesër vitin e ri shkollor ku nuk mungojnë edhe ata që ulen për herë të parë në banka. Ekspertët thonë se kthimi nga pushimet shkakton jo pak stres tek të vegjlit sidomos tek ata të klasave të para.

Del video e vrasjes në Vlorë, 8 të shoqëruar. Dyshohet se krimi u krye nga 3 persona

Publikohen pamjet e kamerave të sigurisë nga vrasja e Leart Kekës mbrëmjen e së shtunës në Vlorë. Atentati dyshohet se është kryer nga 3 autorë. Viktima ka marrë 6 plumba në trup, ndërsa në polici janë shoqëruar sot të paktën 8 persona.

Mbi 2000 viktima nga termeti në Marok. Mijëra të plagosur dhe dëme të shumta

Tërmeti apokaliptik në Marok numëron deri tani mbi 2 mijë viktima ndërsa 1400 persona janë të plagosur në gjendje të rëndë. Sipas OKB nga ky tërmet janë prekur 300 mijë banorë ndërsa dëmet materiale janë të konsiderueshme.

‘’Love Island Albania’’, tjetër sukses në Tv Klan. Mbrëmja e së shtunës, emocione dhe spektakët

Tjetër mbrëmje e suksesshme e spektaklit të dashurisë “Love Island Albania” në Tv Klan nën drejtimin e Luana Vjollcës. Opinionistët Olti Curri dhe Dalina Buzi, për herë të parë bashkë në ekran. Nuk munguan debatet, surprizat dhe emocionet.

/tvklan.al