Spiker: Redi Prifti

Headlines 16 Mars 2024

Dhëndri i Trump, projekt për Sazanin. Synohet transformimi në një resort luksoz

Dhëndri i ish-presidentit amerikan Donald Trump po planifikon ndërtimin e një resorti luksoz në ishullin e Sazanit, përmes një investimi gjigand në brigjet shqiptare. Interesi është konfirmuar për Tv Klan edhe nga Ministria e Turizmit dhe Mjedisit.

Aeroporti i Vlorës, në fund të vitit do të aplikojë për certifikimin e operimit dhe sigurinë

Përfundon një pjesë e rëndësishme e punimeve të aeroportit të Vlorës dhe drejtuesit synojnë që në fund të këtij viti të aplikojnë për certifikimin e tij për operimin dhe sigurinë në terren. Aeroporti parashikohet të nisë fluturimet në 2025-ën.

Vrasja e Gentian Bejtjes, dyshohet nga 3 persona. Makina e krimit u vodh në Shkodër, disa të shoqëruar

Dalin detaje të reja nga hetimet për vrasjen e Gentian Bejtes një ditë më parë në fshatin larushk të Fushë Krujës. Në vendin e ngjarjes u gjetën 48 gëzhoja kallashnikovi ndërsa autorët dyshohet të kenë qenë 3 persona.

Publikohen pamjet e atentatit në Shkodër, breshëria e plumbave zgjati për rreth 30 sekonda

Dalin pamjet e atentatit me 2 të plagosur në Grudë të Re të Shkodrës. Makina me të cilën udhëtonin Gjon Nika dhe studenti i Akademisë së Sigurisë Gjergj Ndërshtiqaj shpërtheu në flakë nga breshëria e plumbave që zgjati për rreth 30 sekonda.

Alkooli, faktor kryesor risku për kancerin e gjirit. OBSH: 79% e grave nuk janë në dijeni të këtij rreziku

Një raport i fundit i OBSH-së zbulon se alkooli është një nga faktorët kryesorë të riskut për kancerin e gjirit, por 79% e grave nuk janë në dijeni të tij. Ekspertët thonë se në Shqipëri kanceri i gjirit është një nga më të përhapurit në popullatë.

Sylvinho shpjegon listën për miqësoret. Askush nuk është jashtë, por dua të shoh të rinjtë 

Trajneri Silvinjo shpjegoi sot listën e futbollistëve të thirrur për miqësoret me Kilin dhe Suedinë, të cilat do t’i ndiqni falas në Tv Klan. Ai tha se skuadra ka ruajtur ekuilibrin dhe se askush nuk është i përjashtuar, por dëshiron të shohë edhe të rinjtë./tvklan.al