Spiker: Drini Zeqo

Headlines 21 Shtator 2024

NY Times: Rama, plan për një “Vatikan Bektashi” në Shqipëri. Shteti i ri, brenda Tiranës, do të ketë pasaportat e veta

Kryeministri Rama zbulon për gazetën New York Times se ka në plan të ndërtojë një shtet të besimtarëve bektashinj në pronat e kryegjyshatës botërore në Tiranë. Shteti, sipas modelit të Vatikanit, do të ketë administratën, kufijtë dhe pasaportat e veta.

Euro në rënie historike në raport me lekun. Monedha europiane këmbehet me 98.9 lekë

Euro vijon zhvlerësimin përballë lekut, duke shenuar vlerat më të ulëta historike që nga dalja në tregun valutor. Këtë të shtunë, në pikat e këmbimit valutor në Tiranë, 1 Euro u ble me 98.8 lekë.

Aksion pastrimi në vijën bregdetare. Nxënës e punonjës të AKZM dalin vullnetarë

Qindra vullnetare, nxënës dhe punonjës të Agjencisë Kombëtare të Zonave të Mbrojtura u bënë pjesë e aksionit të pastrimit të vijës bregdetare nga Shkodra deri në Vlorë. Nisma ka për synim ndërgjegjësimin e qytetarëve.

7700 raste në javë me infeksione të rrugëve respiratore. Shkak, luhatjet e temperaturave

Mbi 7700 raste me infeksione respiratore janë paraqitur në qendrat shëndetësore gjatë kësaj jave. Më të prekurit janë fëmijët dhe të moshuarit. Mjekët thonë se simptomat më të shpeshta janë temperaturë, kollë dhe dhimbjet e kokës dhe trupit.

Harris sfidon Trump në një tjetër debat televiziv. Trump: Është tepër vonë

Kandidatja demokrate Kamal Harris pranoi ftesën e CNN për një debat të dytë televiziv me Donald Trump më 23 Tetor. Por ish-presidenti refuzon të marrë pjesë, duke e argumentuar se është vonë, pasi në disa shtete ka nisur votimi për kreun e Shtëpisë së Bardhë./tvklan.al