#lajme, #edicioniinformativ ora 15:30 data 24 Nëntor 2023 #TvKlan #KlanLajme

Spiker: Anjola Hamzaj

Headlines 24 Nëntor

Rama: Asnjë negociatë me “non gratën” dhe zëdhënësat e tij. Drejtësia e re të reagojë për 21 janarin

Kryeministri rama deklaron se nuk do të pranojë të negociojë me Berishën apo përfaqësues të grupimit të tij për të zgjidhur situaten e krijuar në parlament. Ai i kërkon drejtësisë së re të reagojë për të zbardhur 21 janarin.

Partitë e vogla iniciojnë “Federatën e Opozitës”. Pro Berisha e Basha, por nuk pranojnë njeri – tjetrin

Partitë e vogla të opozitës kërkojnë bashkimin e të gjitha subjekteve në një federatë. Berisha thotë se e mirëpret propozimin, por refuzon që pjesë e saj të jetë Lulzim Basha. Edhe Basha mban të njëjtin qëndrim.

Ilir Beqaj përplas gjykatën me SPAK. Gjyqtari: duhej një masë më e ashpër

Hetimi ndaj ish-ministrit të shëndetësisë, Ilir Beqja, përplas gjykatën e posaçme me SPAK. Gjyqtari i çështjes thotë se prokuroria e kundër krimit të organizuar dhe korrupsionit duhet të kishte kërkuar një masë më të ashper ndaj tij.

Armëpushim 4-ditor në Rripin e Gazës. Pritet lirimi disa pengjeve nga Hamas

Nis armëpushimi 4-ditor në Rripin e Gazës. Sipas marrëveshjes, Hamasi pritet të lirojë disa pengje të marrë në sulmin e 7 nëntorit, ndërsa Izraeli do të lirojë disa palestinezë që mban në burg.

Shuhet ikona e humorit, Zef Deda. Vuante nga një sëmundje e rëndë

Shuhet ikona e humorit shqiptar, Zef Deda. Humoristi i njohur shkodran, që ka lënë gjurmë me disa role, ndërroi jetë sot në moshën 73-vjeçare, pasi vuante prej kohësh nga një sëmundje e rëndë.

Duka: Duam të arrijmë sa më lart në Gjermani. Sylvinho: Sekreti i suksesit, raporti me lojtarët