Lajme, #edicioniinformativ ora 23:05 data 25 Tetor 2024 #TvKlan #klanlajme

Spiker: Reis Çiço

Headline 25 Tetor 2024

SPAK merr të pandehur deputetin Plarent Ndreca. E dërgon në gyq për “shkelje të barazisë në tendera”

Prokuroria e Posaçme ka marrë të pandehur dhe ka dërguar në gjyq deputetin socialist Plarent Ndreca. Ai akuzohet për shkelje të barazisë në tendera gjatë kohës që mbante detyrën e Sekretarit të Përgjithshëm të Ministrisë së Brendshme.

Sekuestrohen 1.2 mln euro pasuri. Dyshohet se u pastruan nga ish-drejtoresha e kadastres së Durresit

Sekustrohen në Fier dhe Tiranë 16 apartamente dhe 5 pasuri të tjera në vlerën e 1.2 milionë eurove. Ato dyshohet se janë krijuar nga aktivitet kriminal dhe pastroheshin nga ish-drejtoresha e Kadastrës së Durrësit dhe nje biznesmen

Rama në Nju Jork për takimin me Shqiptarët e Amerikës: Ngremë flamurin në oborrin e BE

Kryesocialisti Edi Rama ndodhet ne Nju Jork ku nesër do të rinisë turin “Krenar per Shqiperine”. Ai thotë se me fuqinë e bashkimit Shqipëria do të ngrejë flamurin e saj në oborrin e Bashkimit Europian.

Veliaj “shkund” bashkinë e Tiranës. Ndryshon kreret e 12 drejtorive dhe ndërmarrjeve

Kryetari i Bashkisë së Tiranës, Erion Veliaj ndryshon 12 drejtues të drejtorive dhe ndërmarrjeve kryesore bashkiake. Ndryshimet kanë prekur edhe UKT-në, Policinë Bashkiake dhe Ndërmarrjen e Rrugëve. 

Të huajt në Shqipëri jo vetëm për pushime, por edhe për biznes. INSTAT: Më shtator rritje me 8,7 %

Të huajt po e vizitojnë Shqipërinë jo vetëm për pushimet, por edhe për biznes. INSTAT thotë se në 9 muajt e parë të vitit vendin tonë e vizituan 9.7 milionë shtetas të huaj, nga të cilët 155 mijë për qëllime biznesi apo profesionale.

Putin vlerëson Trump për luftën në Ukrainë: Është i mirëpritur për dhënien fund të konfliktit

Presidenti rus, Vladimir Putin vlerëson Donald Trampin për angazhimin e shprehur për fundin e luftës në Ukrainë. Ai thotë se kushdo që do që ka dëshirë të kontribuojë për t’i dhënë fund konliktit në Ukrainë është i mirëpritur.

/tvklan.al