#Lajme, #edicioniinformativ ora 23:30 data 3 Gusht 2023 #TvKlan #KlanLajme

Spiker: Reis Çiço

Headlines 3 Gusht 2023

Vrasja 32-vjeçares, në pranga 2 autoret. Ishin në efektin e drogës, nën hetim edhe 3 vajza

Policia e Durrësit arreston 2 persona si autorë të vrasjes një ditë më parë të 32-vjeçares Luljeta Preza në Durrës. Mësohet se ata vepruan nën efektin lëndëve narkotike ndërsa nën hetim janë vënë edhe tre vajza për shkak të moskallëzimit të krimit.

Berisha: Ahmetaj është kërcënuar me jetë. Drejtësia ta marrë në mbrojtje

Sali Berisha thotë se ndaj ish-zv.kryeministrit Arben Ahmetaj dhe familjes së tij po lëshohen mesazhe kërcënuese sa i përket çështjes së inceneratorëve. Berisha kërkoi që organet e drejtësisë ta marrin Ahmetajn në mbrojtje.

1/3 e maturantëve duan inxhinierinë dhe tik. Më pas mjekesia e shkencat ekonomike.

Sot është afati i fundit i aplikimit të maturantëve për degët në universiteteve. Nga 19 mijë maturantë, 1/3 e tyre ka aplikuar për degët e inxhinierisë dhe të teknologjisë. Më pas vijnë mjekësia dhe shkencat ekonomike.

Donald Trump del sërish para gjykatës. Akuzohet për komplot kundër zgjedhjeve

Ish-Presidenti amerikan Donald Tramp doli sot para Gjykatës Federale të Uashingtonit. Ai akuzohet nga Departamenti Amerikan i Drejtësisë se komplotoi me qëllim përmbysjen e rezultatit të zgjedhjeve presidenciale të 2020-ës.

Tirana eleminohet nga Conference League. Bardheblute humbasin sërish ndaj Bashiktashit

Tirana humbi edhe në ndeshjen e kthimit ndaj turqve të Beshiktashit duke u eliminuar në turin e dytë të Konferencë Ligës. Ndeshja në Air Albania nisi me 15 minuta vonesë për shkak të përplasjeve mes dy tifozerive.

Tv Francez: Shqipëria turistike, mrekullia e fshehur e ballkanit që po vizitojet nga të gjithë

Kanali televiziv M6, një prej më të ndjekurve në Francë dhe i specializuar në çështjet e turizmit, i kushton një dokumentar të plotë Shqipërisë turistike duke e konsideruar atë si mrekullia e fshehur e Ballkanit që po vizitohet nga e gjithë bota.

/tvklan.al