#Lajme, #edicioniinformativ ora 19:30 data 5 Gusht 2023 #TvKlan #KlanLajme

Spiker: Redi Prifti

Headlines 5 Gusht 2023

1 viktimë e 16 të plagosur nga një sherr masiv në një lokal në Prishtinë. Autori, në kërkim nga FBI

Një i vdekur dhe 16 plagosur është bilanci i një sherri masiv në një lokal të Prishtinës natën e kaluar ku nuk mungoi edhe përdorimi i armëve. Policia e Kosovës është vënë në ndjekje të një personi që rezulton se është në kërkim edhe nga FBI.

Si u lirua nga burgu Behar Bajri. Zbardhet roli i prokurorit të Kukësit, Xhevahir Lita

Detaje të reja kanë dalë nga dosja voluminoze “Metamorfoza”. Në komunikimet përmes aplikacionit SKY flitet për lirimin nga burgu të Behar Bajrit në këmbim të ryshfetit. Në skenë del edhe emri i prokurorit të Kukësit, Xhevahir Lita.

Zall Herri, “bazë” e kanabisit. Pranga 3 ushtarakëve, në hetim 4 të tjerë

Policia zbulon një parcelë me 125 bimë kanabis në zonën brenda bazës ushtarake të Zall Herrit. Tre ushtarakë u arrestuan ndërsa 4 të tjerë po hetohen në gjendje të lirë. Ministria e Mbrojtjes i pezullon menjëherë nga detyra.

Shiu boshatis plazhet, ulen temperaturat. Sinoptikanët: Moti përmirësohet të dielën

Moti i keq me shi dhe temperatura të ulëta boshatisi të gjitha plazhet shqiptare këtë të shtunë. Reshjet shkaktuan probleme edhe në qarkullimin rrugor. Sinoptikanët thonë se rrezet e diellit do të rikthehen menjëre që të dielën.

Turqia e Greqia, preferencat e shqiptarëve që pushojnë jashtë

Turqia dhe Greqia mbetën edhe për këtë sezon destinacionet e preferuara për ata shqiptarë që preferojnë të kalojnë pushimet jashtë vendit. Shifrat flasin për një rritje me 20% të prenotimeve jashtë në krahasim me një vit më parë.

Lotari e çmendur në SHBA. Jackpot arrin 1.55 mld usd, por nuk ka fitues.

Lotaria Amerikane arrin një tjetër shifër rekord. Këtë të premte nuk pati asnjë fitues ndaj të martën e ardhshme do të luhet për një xhekpot që ka arritur në vlerën e 1.55 miliardë dollarëve.

/tvklan.al