Spiker: Redi Prifti

Headlines 5 Gusht 2023

Zall Herri, “bazë” e kanabisit. Pranga 3 ushtarakëve, në hetim 4 të tjerë

Policia zbulon një parcelë me 125 bimë kanabis në zonën brenda bazës ushtarake të Zall Herrit. Tre ushtarakë u arrestuan ndërsa 4 të tjerë po hetohen në gjendje të lirë. Ministria e Mbrojtjes i pezullon menjëherë nga detyra.

Si u lirua nga burgu Behar Bajri. Zbardhet roli i prokurorit të Kukësit, Xhevahir Lita

Detaje të reja kanë dalë nga dosja voluminoze “Metamorfoza”. Në komunikimet përmes aplikacionit SKY flitet për lirimin nga burgu të Behar Bajrit në këmbim të ryshfetit. Në skenë del edhe emri i prokurorit të Kukësit, Xhevahir Lita.

1 viktimë e 16 të plagosur nga një sherr masiv në një lokal në Prishtinë. Autori, në kërkim nga FBI

Një i vdekur dhe 16 plagosur është bilanci i një sherri masiv në një lokal të Prishtinës natën e kaluar ku nuk mungoi edhe përdorimi i armëve. Policia e Kosovës është vënë në ndjekje të një personi që rezulton se është në kërkim edhe nga FBI.

Shiu boshatis plazhet, ulen temperaturat. Sinoptikanët: Moti përmirësohet të dielën

Moti i keq me shi dhe temperatura të ulëta boshatisi të gjitha plazhet shqiptare këtë të shtunë. Reshjet shkaktuan probleme edhe në qarkullimin rrugor. Sinoptikanët thonë se rrezet e diellit do të rikthehen menjëre që të dielën.

Abazoviç i shpëton një aksidenti. Makinës së tij nuk i funksionuan frenat

Kryeministri në detyrë i Malit të Zi, Dritan Abazoviç i ka shpëtuar një aksidenti pasi automjetit zyrtar me të cilin po lëvizte nuk i kanë funksionuar frenat. Ministria e Brendshme malazeze tha se ka hapur një hetim për ngjarjen.

Konfirmohet Inter-Egnatia. Do të luhet më 13 Gusht në Itali

Ekipet shqiptare po zgjedhin kundërshtarë të njohur italianë për miqësoret e gushtit. Pas konfirmimit të Partizani – Roma është zyrtarizuar edhe Inter – Egnatia e cila do të luhet më 13 gusht në Ferrara të Italisë./tvklan.al