Lajme, #edicioniinformativ ora 23:00 data 5 Janar 2025 #TvKlan #klanlajme

Spiker: Reis Çiço

Headlines 5 Janar 2024

Ekzekutohet me armë brenda në makinë 33-vjeçari. Babai i viktimës: S’kishte konflikte, u rrit me vështirësi
Një 33-vjeçar u gjet i ekzekutuar me breshëri plumbash në makinën e tij mëngjesin sotëm në një fshat të Shkodrës. Ngjarja dyshohet se ka ndodhu mbrëmjen e kaluar. Babai i viktimës u tha hetuesve se i riu nuk kishte konflikte të hapura.

Mjekët: Të rritet mosha e kontrollit bazë. Mbeten jashtë 252 mijë të moshuar mbi 70 vjeç
252 mijë të moshuar mbi 70 vjeç nuk mund të bëjnë falas kontrollin mjekësor bazë. Mjekët rekomandojnë rishikimin e këtij kufiri duke qenë se mosha e thyer ka më shumë nevojë për diagnostikimin e problemeve shëndetësore.

“Bild”: Shqipëria, destinacioni i 2025-ës. “Natyrë e pacënuar dhe larg turizmit masiv”
Tabloidi gjerman “Bild” e ka renditur Shqipërinë mes destinacioneve që do të jenë trend gjatë vitit 2025. Vlerësohet natyra e pacënuar, fshatrat e rivierës së jugut, por edhe mos-prekja nga turizmi masiv.

Ndahet nga jeta ish-Kryeministri grek, Kostas Simitis, 88-vjeçari ndihmoi Shqipërinë në momente të vështira
Ish-kryeministri grek Kostas Simitis ndërroi jetë sot në moshën 88-vjeçare. Ai njihet si personi që anëtarësoi Greqinë në zonën Euro. Simitis e ka vizituar Shqipërinë në vitin 1999 pas momenteve të vështira të luftës në Kosovë.

Valë e re gripi në Europë/ Dyndje në spitale në Francë e Spanjë
Shtimi i kontakteve përgjatë festave të fundvitit ka shkaktuar përhapjen e një vale të re gripale në Europë, Shtetet e Bashkuara e më gjerë. Në Francë dhe në Spanjë ka dyndje në spitale, ndërsa pritet që kulmi të arrihet javën tjetër.

/tvklan.al