#Lajme, #edicioniinformativ ora 19:30 data 6 Gusht 2023 #TvKlan #KlanLajme

Spiker: Reis Çiço

Headline 6 Gusht 2023

Zhdukja e Jan Prengës, arrestohet një nga organizatorët. Fshihej në Kosovë me identitet tjetër

Arrestohet në Kosovë një nga organizatorët e rrëmbimit dhe më pas vrasjes së Jan Prengës në janar të vitit 2020 në Kamzë. 29-vjeçari Aldo Majnishta fshihej në Kosovë me një identitet tjetër. Për të gjykata ka vendosur masën arrest në burg.

Kanabisi në Zall Herr u zbulua nga Guardia Di Finanza. Bimët, të mbjella në 6 parcela

Kanabisi i mbjellë në bazën ushtarake të Zall Herrit u zbulua pas monitorimit nga ajri nga operacioni i përbashkët me italianët e Guardia di Financa. Bimët ishin ndarë në 6 miniparcela dhe lartësia e tyre arrinte në rreth 3 metra.

La Repubblica: Italianët, eksod drejt Shqipërisë për t’u arratisur nga çmimet e çmendura

“Në arrati nga çmimet e çmendura të Italisë”. Gazeta “La Republika” i bën jehonë shtimit të fluksit të turistëve italianë që kanë zgjedhur Shqipërinë për pushime. Ata thonë se Shqipëria ka çdo gjë si Greqia, Kroacia apo jugu i Italisë, por më lirë.

Shtimi i mbytjeve në det nga ataku kardiak. Mjekët: Edhe të rinjtë po preken nga sëmundjet e zemrës

49 persona kanë humbur jetën në 5 vitet e fundit duke u larë në det si pasojë e arresteve kardiake. Ekspertët thonë se shkak janë disa gabime që bëhen para futjes në ujë ndërsa theksojnë se edhe të rinjtë po preken nga sëmundjet e zemrës.

Letra për BE dhe SHBA: Të ketë një qasje më të ashpër ndaj Serbisë në lidhje me Kosovën

Zyrtarë të lartë të SHBA dhe BE u kërkojnë krerëve të diplomacisë në Uashington, Bruksel dhe Londër që të ashpërsojnë qasjen ndaj Serbisë dhe presidentit Aleksandër Vuçiç në lidhje me shtensionimin e situatës në Kosovë.

Treni del nga shinat, 30 të vdekur dhe 50 të plagosur në jug të Pakistanit

Të paktën 30 persona humbën jetën dhe mbi 100 të tjerë mbetën të plagosur në një aksident hekurudhor në Pakistan. Autoritet thonë se numri i viktimave mund të rritet orët në vijim. Shkak dyshohet se u bë rrjeti i amortizuar i hekurudhave. /tvklan.al