#lajme, #edicioniinformativ ora 23:25 data 7 Dhjetor 2023 #TvKlan #KlanLajme

Spiker: Reis Çiço

Headlines 7 Dhjetor 2023

Buxheti miratohet për 8 minuta. PD bllokon seancën, mazhoranca ashpërson masat.

Vetëm 8 minuta zgjati seanca parlamentare ku u miratua në tërësi buxheti dhe paketa fiskale. Opozita bllokoi seancën me flakadanë dhe karrige. Mazhoranca ndërmerr një nismë për ashpërsimin e masave ndaj deputetëve që bllokojnë punën. 

Dalin pamjet e ekzekutimit të 41-vjeçarit Në Fier. Policia identifikon autorin, mbeten mister motivet.

Televizioni Klan siguron pamjet e ekzekutimit të një 41-vjeçari disa metra larg banesës së tij, në mes të ditës, në Fier. Policia identifikoi autorin, duke e shpallur në kërkim. Hetimet për këtë ngjarje po përqendrohen në disa pista.

Operacion kundër lojërave të fatit në mbarë vendin, 116 të arrestuar.

116 persona kanë rënë në prangat e policisë në një operacion të gjerë kundër lojërave të fatit të shtrirë në mbarë vendin. Policia sekuestroi sasi të mëdha parash dhe pajisje që shërbenin për këtë aktivitet të paligjshëm.

SPAK dërgon në gjyq Dakon dhe 10 të tjerë për shpërdorim detyre e falsifikim dokumentesh.

SPAK mbyll hetimet dhe çon për gjykim dosjen e ish-kryebashkiakut të Durrësit, Vangjush Dako. Së bashku me 10 zyrtarë e ish-zyrtarë të tjerë të bashkisë, ai akuzohet për shpërdorim detyre dhe falsifikim dokumentash.

Erdogan viziton pas 6 vitesh Athinen: Hapim një kapitull të ri bashkëpunimi.

Pas 6 vitesh, presidenti turk Rexhep Taip Erdogan vizitoi sot Athinën. Pas takimit me kryeministrin Qirjakos Micotaqis krerët e vendeve u angazhuan për hapjen e një kapitulli të ri bashkëpunimi dhe zgjidhjen e problemeve nëpërmjet dialogut. 

Nisi boksin për të shmangur ngacmimet, Luis Gjolena synon të jetë kampion bote.

Luis Gjolena është një boksier i ri që konsiderohet e ardhmja e këtij sporti në Shqipëri. Në një intervistë për Tv Klan ai rrëfen se sportin e nisi që 12 vjeç për shkak ngacmimeve për peshën e tij të tepërt ndërsa tashmë synon titullin, kampion bote.

/tvklan.al