#Lajme, #edicioniinformativ ora 19:30 data 7 Shtator 2023 #TvKlan #KlanLajme

Spiker: Reis Çiço

Sot në “Tv Klan” përballja mes Çekisë dhe Shqipërisë, 4 mijë shqiptarë të pranishëm në stadium
Kombëtarja shqiptare luan pas pak përballë Çekisë në Pragë, një sfidë të rëndësishme për kualifikimin në Euro 2024, ndeshje që do ta ndiqni në ekranin e Tv Klan. Rreth 4 mijë tifozë shqiptarë pritet të jenë të pranishëm në stadium

Thellohet bilanci i viktimave nga stuhia “Daniel”. 15 të vdekur në Greqi, Bullgari e Turqi
Arrin në 15 numri i viktimave nga stuhia e pazakontë Daniel që prej 3 ditësh po godet jugun e Ballkanit. Shumica e viktimave janë shënuar në Turqi, ndërsa humbje jete dhe dëme të konsiderueshme ka edhe në Greqi e Bullgari.

Policia shpëton çiftin francez te Shpella e Pëllumbasit. 21 turistë kërkuan ndihmë në 2023
Policia shpëton pas 5 orësh operacion një ccift francezesh të cilët ishin bllokuar në një zonë të thyer në afërsi të shpellës së Pëllumbasit në Tiranë. Vetëm gjatë këtij viti kanë qenë 21 turistë të huaj që kanë kërkuar ndihmë nga autoritetet.

BSH: Zhvillime pozitive në 6 muajt e parë të vitit. Papunesia në rënie, u rrit punësimi e pagat
Zhvillimet ekonomike në 6 muajt e parë të këtij viti shihen pozitive nga Banka e Shqipërisë. Banka Qendriore vlerëson se shifrat tregojnë papunësinë në rënie dhe rritjen e pagave. Problem mbetet niveli i inflacionit i ndikuar nga jashtë.

DW: Shqipëria, parajsë e ushqimit tradicional reportazh 24 orë në baret e restorantet e Tiranës
Dojçe Vele i kushton një reportazh kuzhinës tradicionale shqiptare. Gazetarja e saj është ndalur për 24 orë në disa nga baret dhe restorantet e kryeqytetit duke vlerësuar gatimet e veçanta.

“Love Island Albania”, tani me një aplikacion dedikuar ekskuzivisht spektaklit të dashurisë.
Një aplikacion falas dhe tërësisht dedikuar “Love Island Albania”. Është kjo risia që sjell programi i dashurisë për ndjekësit e tij në rrjetet sociale. Përmes aplikacionit mund të votoni për të zgjedhur personin apo çiftin më të pëlqyer nga ju.
/tvklan.al