#lajme, #edicioniinformativ ora 23:15 data 8 Dhjetor 2023 #TvKlan #KlanLajme

Spiker: Reis Çiço

Headlines 8 Dhjetor 2023

Kongresi i Jashtëzakonshëm, Rama: Në Pranverë do të kemi zgjedhjet për kryesinë e Asamblesë së re të PS.

Partia Socialiste mblodhi kongresin e jashtëzakonshëm. Kryesocialisti Edi Rama tha se pret me shumë  rezultate nga drejtësia e re dhe se vetoja e Greqisë për bllokimin e rrugës ne BE do ta motivoje me shume. Ne pranvere do te zhvillohen zgjedhjet ne PS per kryesine dhe Asamblene e re.

Berisha: Kongresi i PS, si pleniumet e PPSH. Të ngrihemi, të përmbysim diktaturën e Ramës.

Ish-kryeministri Berisha tha se kongresi i socialistëve është vijim i mendësisë së diktaturës ndaj u bëri thirrje shqiptarëve të ngrihen për rrëzimin e qeverisë. Ai se Rama po përgatit izolimin e Shqiperise, pasi Brukseli do ti refuzoje avancimin e procesit drejt BE-se.

Prej 9 vitesh në kërkim, arrestohet në Kosovë Gëzim Çela. ‘’Baroni i drogës’’ lëvizte me identitet të rremë.

Arrestohet në Ferizaj të Kosovës i shumëkërkuari Gezim Çela. Ai qarkullonte me një identitet të rremë. I cilësuar si Baron i Drogës, Çela ishte prej 9 vitesh ne kërkim ndërkombëtar,  pasi akuzohet per trafik  droge dhe grup te strukturuar kriminal.

Vrasja në Fier, viktima iu kundërpërgjigj me armë autorit. Policia i gjen pistoletë në makinë.

Dalin detaje të reja nga ekzekutimi një ditë më parë i 41-vjeçarit Erjon Javori në Fier. Policia thotë se viktima iu kundërpërgjigj me armë gjatë konfliktit. Në kërkim janë shpallur 2 vëllezër. Motivi mbetet ende i paqartë. 

Çmimet u rritën lehtë në Nëntor. U shtrenjtuan ushqimet e qiratë.

Çmimet u rritën lehtë edhe gjatë muajit nëntor. Instituti i Statistikave thotë në raportin e fundit se më së shumti u shtrenjtuan çmimet e ushqimeve dhe qirave te banesave. Shtrenjtim patën edhe bulmeti e zarzavatet.

/tvklan.al